قاسىم-جومارت توقاەۆ قازاقستان حالقىنىڭ جانە ءوزىنىڭ اتىنان كارول ناۆروتسكيدى پولشا رەسپۋبليكاسىنىڭ ۇلتتىق مەرەكەسى – تاۋەلسىزدىك كۇنىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت قازاقستان پولشانى ەۋروپا وداعى مەن شىعىس ەۋروپاداعى ماڭىزدى سەرىكتەسى دەپ بىلەتىنىن جانە ەكى ەل اراسىنداعى ىنتىماقتاستىقتىڭ اياسى قارقىندى تۇردە كەڭەيىپ كەلە جاتقانىن جوعارى باعالايتىنىن جازعان. سونىمەن قاتار بىرلەسكەن كۇش-جىگەردىڭ ارقاسىندا ءوزارا ءتيىمدى بايلانىس كەلەشەكتە دە جەتىستىكتەرگە تولى بولاتىنىنا سەنىم ءبىلدىردى.
قاسىم-جومارت توقاەۆ كارول ناۆروتسكيدىڭ اسا جاۋاپتى قىزمەتىنە تولايىم تابىس, ال دوستاس پولشا حالقىنا قۇت-بەرەكە تىلەدى.