تەحنيكالىق جانە كاسىپتىك ءبىلىم بەرۋ جۇيەسىن 2025-2027 جىلدارعا ترانسفورماتسيالاۋ جونىندەگى جول كارتاسى جانە جۇمىسشى ماماندىقتار جىلى شەڭبەرىندە ىسكە اسىرىلىپ جاتقان باعدارلامالاردىڭ نەگىزگى ماقساتى – تاجىريبە الماسۋ, زاماناۋي تەحنولوگيالاردى مەڭگەرۋ, كەلەشەك مامانداردىڭ ەڭبەك نارىعىندا باسەكەگە قابىلەتتىلىگىن ارتتىرۋ, دەپ جازادى Egemen.kz.
وقۋ-اعارتۋ مينيسترلىگىنىڭ مالىمەتىنشە قازاقستان كوللەدجدەرى حالىقارالىق ىنتىماقتاستىق پەن اكادەميالىق ۇتقىرلىقتى بەلسەندى دامىتىپ كەلەدى. 2025 جىلى ەلىمىزدىڭ 10 كوللەدجىنەن 150-دەن استام ستۋدەنت شەتەلدەردە ءبىلىم الىپ, تاجىريبەدەن ءوتىپ وتىر.
«قازاقستان ستۋدەنتتەرى تاماقتانۋ, سەرۆيس, IT, ەنەرگەتيكا, ينجينيرينگ, ديزاين جانە اۆتومەحانيكا باعىتتارى بويىنشا تۇركيا, قىتاي, قىرعىزستان, فرانتسيا, يسپانيا, وڭتۇستىك كورەيا, وزبەكستان, ۇلىبريتانيا, گەرمانيا, شۆەيتساريا ەلدەرىندە قىسقا مەرزىمدى كۋرستاردان جانە تاعىلىمدامالاردان ءوتتى» دەيدى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى اسەت مۋحانبەتوۆ.