ەكىباستۇزدا بەلگىسىز بىرەۋلەر ءتىرى مىسىقتى Kaspi پوستاماتىنىڭ ۇياشىعىنا جاۋىپ كەتكەن. اتالعان وقيعانىڭ ۆيدەوسى Instagram الەۋمەتتىك جەلىسىندەگى pomogi_bezdomnym_zhivotnym پاراقشاسىندا جاريالاندى, دەپ حابارلايدى Egemen.kz.
جانۋاردى ەرىكتىلەر بايقاپ قالعان. ولار دەرەۋ Kaspi.kz كومپانياسىنا حابارلاسىپ, قۇتقارۋ جۇمىستارىن ۇيىمداستىرعان.
«Kaspi قىزمەتكەرلەرى دەرەۋ ارەكەت ەتىپ, مىسىقتى بوساتتى. ولارعا ۇلكەن راقمەت. رەاكتسيالارى وتە جەدەل بولدى», — دەلىنگەن جازبادا.
جانۋاردى قورعاۋشىلار بۇل وقيعاعا قاتتى الاڭداۋشىلىق ءبىلدىرىپ, مۇنداي ارەكەتتەردىڭ جيىلەپ بارا جاتقانىن اتاپ ءوتتى.
«بۇل — قوراپ تا ەمەس, زات تا ەمەس. بۇل – ءتىرى جاراتىلىس, ول تىنىستايدى, قورقادى, نە بولىپ جاتقانىن تۇسىنبەيدى. مۇنداي ارەكەت — قاتىگەزدىك ءارى قاۋىپتى. بۇل قايعىلى جاعدايعا ۇلاسۋى مۇمكىن», — دەيدى ەرىكتىلەر.
ولار تۇرعىندارعا جانۋارلارعا مەيىرىممەن قاراۋعا جانە جاۋاپكەرشىلىكتى سەزىنۋگە شاقىردى.
ەكىباستۇزداعى جانۋار قورعاۋشىلارى بۇل وقيعا بويىنشا بەينەباقىلاۋ جازبالارىن تەكسەرۋدى جانە كىنالى تۇلعالاردى انىقتاۋدى سۇرادى.
قۇقىق قورعاۋشىلاردىڭ ايتۋىنشا, جانۋارعا قاتىگەزدىك كورسەتۋ قر قىلمىستىق كودەكسىنىڭ 316-بابىنا (جانۋارلارعا قاتىگەزدىك جاساۋ) سايكەس جازالانادى.