قۇندى قۇجاتتار جارمەڭكەسى

– سىزدەر ەلىمىزدىڭ تاري­حي-مادەني مۇراسى مەن باعا جەتپەس جادىگەرلەرىن ساقتاۋ, ولاردى عىلىمي اينالىمعا ەنگىزۋ, كەلەشەك ۇرپاققا جەتكىزۋ جولىندا قاجىرلى قىزمەت ەتىپ كەلەسىزدەر. ەلدىڭ زياتكەرلىك مەنشىگى مەن مادەني يگىلىگىنىڭ تۇ­تاس­تىعىن ساقتاپ, ارحيۆ ءىسىن جەتىلدىرىپ, اۋقىمدى جوبالاردى جۇزەگە اسىر­عاندارىڭىز ءۇشىن العىسىم شەكسىز, – دەگەن مينيستر قۇتتىقتاۋىندا.

ءىس-شارا بارىسىندا «ارحيۆ-2025» باعدارلاماسى بويىنشا اتقارىلعان جۇ­مىس­تار مەن قول جەتكىزىل­گەن ناتيجەلەر تالقىلانىپ, بەينەروليكتەر مەن كورمە ماتەريالدارى ۇسى­نىلدى. سونىمەن قاتار ارحيۆ مەكەمەلەرىنىڭ ماتەريال­دىق-تەحنيكالىق بازاسىن جاڭعىرتۋ, تسيفرلىق جۇيە­گە ەنگىزۋ باعىتىندا اتقا­رىلعان جۇمىستار تانىستىرىلدى.

2020 جىلدان باستاۋ ال­عان جوبا اياسىندا رەسپۋب­ليكالىق ارحيۆتەردىڭ عى­لى­مي-ەكسپەديتسيالارى گەر­­مانيا, پولشا, چە­حيا, تۇركيا, فرانتسيا, ما­جارستان, ءۇندىستان, يران, مىسىر, قىرعىزستان, رەسەي فەدەراتسياسى, ازەربايجان, بەلارۋس, قاتار سىندى 14 ەلدە انىقتاۋ جۇمىستارىن جۇرگىزگەن. عىلىمي زەرتتەۋ ناتيجەسىندە 913–1990 جىل­دار ارالىعىنداعى ەل تاريحىنا قاتىستى 7000-نان اسا قۇندى قۇجات جيناق­تالىپ, عىلىمي اينا­لىمعا ەنگىزىلگەن.

– بۇل كونفەرەنتسيا­دا كەيىنگى بەس جىلدىق جۇ­مىستىڭ ناتيجەسى باياندالىپ وتىر. الىس-جاقىننان اكەلگەن قۇجاتتار بۇگىنگى ءىس-شارادا كورسەتىلەدى. ءداستۇرلى باياندامالاردىڭ ورنىنا ەلىمىزدەگى بارلىق نەگىزگى ارحيۆتەر اتقار­عان جۇمىستار بەينەبايان ارقىلى كورىنگەلى وتىر. ياعني وتكەلى وتىرعان ءىس-شا­را­نىڭ اۋقىمى كەڭ, ايتارى مول. ءبىزدىڭ جاساپ وتىر­عان ەڭبەكتەرىمىزدىڭ ناقتى كورسەتكىشتەرى ايقىندال­ماق, – دەدى ۇلتتىق ارحيۆ ديرەكتورى ساعيلا نۇرلانوۆا.

كونە قۇجاتتار قاتا­رىندا 918 جىلى تەمىر حان­نىڭ سايبەك حانعا ەلشى جىبەرىپ بۇرىندىقپەن مامى­لەگە كەلۋى تۋرالى دە­رەك­­تەر جانە شىعىس تۇر­كىس­تان حالقىنىڭ تاۋەلسىز­دىگىمەن بوستاندىعى ءۇشىن كۇ­ر­ەسكەن وسپان باتىر  تۋ­رالى نۇرعوجاي باتىر­دىڭ ەستەلىكتەرى بار. سونى­مەن قاتار مادەنيەت, عىلىم, ءتۇرلى سالالار مەن قازاق­تىڭ تۇرمىس-تىرشىلىگى, سالت-داس­تۇرىنە قاتىستى قۇجات­تاردىڭ ماڭىزى زور. ارا­سىندا ايگىلى كۇيشى دينا نۇرپەيىسوۆانىڭ قاتى­سۋىمەن تۇسىرىلگەن قىسقا بەينەسيۋجەت, ءبيشى شارا جيەنقۇلوۆا تۋرالى دەرەكتەر ارحيۆ قورىنا ەنگەن.

ايتا كەتەيىك, كونفەرەن­تسياعا پارلامەنت ءماجىلى­سىنىڭ دەپۋتاتتارى, مادە­نيەت جانە اقپارات مي­نيستر­­لىگىنىڭ وكىلدەرى, رەسپۋب­ليكالىق جانە وبلىس­تىق ارحيۆتەردىڭ باسشىلارى, ارحيۆ سالاسىنىڭ ماماندارى, تاريحشى-عالىمدار قاتىسىپ, وي-پىكىرلەرىن ءبىلدىردى.