بۇگىندە الەمدىك ونەردىڭ رامىزىنە اينالعان ۆينسەنت ۆان گوگ ءتىرى كەزىندە ونداي داڭققا يە بولماعان. پوستيمپرەسسيونيزمنىڭ ۇلى وكىلى ءوز داۋىرىندە كەدەيشىلىكتەن كوز اشپاي, قوعام تاراپىنان قولداۋ تاپپاعان ەدى.
رەسمي جازبالارعا سۇيەنسەك, ۆان گوگ 1890 جىلى ءوز-وزىنە قول جۇمساردان بۇرىن تەك «ارلدەگى قىزىل ءجۇزىم باعى» اتتى كارتيناسىن ساتىپ ۇلگەرگەن. بۇل تۋىندىنى ونىڭ ارىپتەسى ءارى سۋرەتشى اننا بوح 1890 جىلدىڭ باسىندا ساتىپ العان. وسى دەرەك ونىڭ ءومىر بويى ساتقان جالعىز كارتيناسى رەتىندە تاريحتا قالدى. ءبىر قىزىعى, كەزىندە باعالانباعان سول تۋىندىلار بۇگىندە الەمدىك مادەني مۇرانىڭ ەڭ قىمبات جادىگەرلەرىنە اينالدى.