ەلىمىزدە كۇن سايىن 76 اتا-انا ءوز مىندەتتەرىن دۇرىس ورىنداماعانى ءۇشىن اكىمشىلىك جاۋاپكەرشىلىككە تارتىلادى. بۇل تۋرالى وقۋ-اعارتۋ ءمينيسترى جۇلدىز سۇلەيمەنوۆا بالالار اراسىنداعى قۇقىقبۇزۋشىلىقتارعا قاتىستى كوشپەلى وڭىرلىك كەڭەس وتىرىسىندا ايتتى, دەپ جازادى Egemen.kz.
جيىندا ءسوز العان مينيستر مينيستر بالالاردىڭ تاربيەسىنە قاتىستى اتا-انالاردىڭ جاۋاپكەرشىلىگىن كۇشەيتۋ قاجەتتىلىگىنە دە باسىمدىق بەردى.
«رەسمي ستاتيستيكاعا سۇيەنسەك, كۇن سايىن 76 اتا-انا ءوز مىندەتتەرىن دۇرىس ورىنداماعانى ءۇشىن اكىمشىلىك جاۋاپكەرشىلىككە تارتىلادى, ال 395 اتا-انا بالالاردىڭ تۇندە ۇيدە بولۋىن قاداعالامايدى. بۇل كورسەتكىشتەر بالانىڭ اتا-انا نازارىنان تىس قالعانى تۋرالى ناقتى دابىل. اتا-انالارمەن جۇمىس ەرەكشە نازار اۋدارۋدى قاجەت ەتەدى. مونيتورينگ اتا-انالاردىڭ پەداگوگيكالىق قولداۋ ورتالىقتارىنىڭ قىزمەتىنە قاتىسۋ بەلسەندىلىگىنىڭ تومەندىگىن كورسەتتى», دەدى ج.سۇلەيمەنوۆا.