البانيانىڭ پرەمەر-ءمينيسترى ەدي راما مەملەكەتتىك ساتىپ الۋ ءمينيسترى قىزمەتىن اتقارىپ جۇرگەن جاساندى ينتەللەكت ديەللا جاقىندا 83 «تسيفرلىق بالانى» دۇنيەگە اكەلەتىنىن مالىمدەدى.
ءاربىر «تسيفرلىق بالانىڭ» مىندەتى – پارلامەنت دەپۋتاتىنا جەكە كومەكشى بولۋ. پرەمەر-ءمينيستردىڭ ايتۋىنشا, بۇل ۆيرتۋالدى اسسيستەنتتەر ءماجىلىس وتىرىسىنا قاتىسىپ, جازبالار جۇرگىزەدى, دەپۋتاتتارعا تالقىلانىپ جاتقان تاقىرىپتارعا قالاي جاۋاپ بەرۋ كەرەكتىگىن ەسكەرتەدى. ءار كومەكشى ەۋروپالىق وداق زاڭناماسىن تەرەڭ بىلەتىن بولادى.