باحرەين استاناسى مانامادا جاسوپىرىمدەردىڭ ازيا ويىندارى اياقتالدى. سارى قۇرلىقتىڭ ءار قيىرىنان ەڭ دارىندى جاس ورەندەر جينالعان جارىستا ەلىمىزدىڭ سپورتشىلارى 93 مەدال ولجالاپ, جالپىكوماندالىق ەسەپتە ءۇشىنشى ورىن يەلەندى. جەڭىپ العان جۇلدەمىزدىڭ 24-ءى التىن, 29-ى كۇمىس, 40-ى قولا.
جەرلەستەرىمىز مىنا سپورت تۇرلەرى بويىنشا مەدال ەنشىلەدى: دزيۋدو – 14 (4 التىن+5 كۇمىس+2 قولا), بوكس – 10 (5+3+2 قولا), جەڭىل اتلەتيكا – 10 (1+2+7), دجيۋ-دجيتسۋ – 10 (1+5+4), اۋىر اتلەتيكا 9 (3+4+2), ارالاس جەكپە-جەك – 9 (2+3+4), كۇرەس تۇرلەرى – 9 (1+2+6), تاەكۆوندو 5 (2+2+1), مۋاي-تاي – 5 (1+0+4), ءجۇزۋ – 4 (1+1+2), ۆەلوسپورت 3 (2+1+0), جاعاجاي ۆولەيبولى – 2 (1+0+1), ترياتلون – 1 (0+1+0), گاندبول – 1 (0+0+1), پەنچاك سيلات – 1 (0+0+1).
جالپى ەسەپتە قىتاي قۇراماسى الدىنا جان سالمادى – 147 (63+49+35). ەكىنشى ورىندا – وزبەكستان (37+16+28). العاشقى بەستىكتى يران 76 (22+18+36) مەن تايلاند 48 (15+15+18) تۇيىندەدى. سونداي-اق ءۇندىستان 78 (13+18+17), گونكونگ 36 (13+13+10), ءباا 31 (12+9+10), سولتۇستىك كورەيا 15 (8+5+2), تايپەي 40 (7+9+24) توپ-10 كوماندانىڭ قاتارىنا قوسىلدى. جارىستا بارلىعى 31 مەملەكەتتىڭ ءانۇرانى شىرقالىپ, 39 ەلدىڭ تۋى بيىكتە جەلبىرەدى.
وسىعان دەيىن جاسوسپىرىمدەر اراسىنداعى ازيا ويىندارىنىڭ الاۋى ەكى رەت تۇتاندى. ەلىمىزدىڭ قۇراماسى 2009 جىلى سينگاپۋردە 14 (4+6+4) جۇلدە جەڭىپ الىپ, جالپىكوماندالىق ەسەپتە 8-ساتىعا جايعاستى. 2013 جىلى نانجيندە (قىتاي) 13 (1+4+8) مەدال ولجالاپ, 13-ورىندى قاناعات تۇتتى. بۇل جولى قۇرامانىڭ 93 جاس ورەنى جەڭىس تۇعىرىنا كوتەرىلىپ, ۇزدىك ءۇش كوماندانىڭ قاتارىنان كورىندى.