قىتايلىق ەلەكترلى كولىك وندىرەتىن XPENG كومپانياسى «ۇشاتىن اۆتوموبيلدەرىن» سىناقتان وتكىزۋدى باستادى. «ۇشاتىن كولىك» التى دوڭگەلەكتى جەرۇستى كولىگىنەن جانە تىك ۇشىپ-قونا الاتىن, ۇشۋدى قامتاماسىز ەتەتىن قۇرىلعىسى الۋعا ىڭعايلى اپپاراتتان تۇرادى, دەپ جازادى Egemen.kz سينحۋا اگەنتتىگىنە سىلتەمە جاساپ.
ايرىقشا كولىكتەر قىتايدىڭ گۋانچجوۋ قالاسىندا ءوندىرىلىپ جاتىر. اۋدانى 120 مىڭ شارشى مەترلىك زاۋىتتىڭ وندىرىستىك قۋاتى جىلىنا 10 000 اۆياتسيالىق ءمودۋلدى قۇرايدى. بۇل كورسەتكىش – وسى سالاداعى الەمدىك زاۋىتتاردىڭ ىشىندەگى ەڭ ءىرىسى.
كاسىپورىن تولىق قۋاتىندا ىسكە كىرىسكەندە ءار 30 مينۋت سايىن ءبىر ۇشۋ اپپاراتىن جيناۋدى كوزدەپ وتىر.
XPENG AEROHT كومپانياسى ءونىمىن تانىستىرعاننان كەيىن شامامەن 5 000 «ۇشاتىن كولىككە» تاپسىرىس الىپ ۇلگەرگەن. ال «ۇشاتىن كولىكتەر» تاپسىرىس بەرۋشىنىڭ قولىنا 2026 جىلى جەتكىزىلمەك.
ۇشىپ-قوناتىن ەلەكترلى ۇشۋ اپپاراتى اۆتوماتتى جانە مەحانيكالىق باسقارۋ رەجيمدەرىندە ۇسىنىلادى. اۆتوماتتى رەجيم ينتەللەكتۋالدى مارشرۋت قۇرۋعا, سونداي-اق ءبىر باتىرمانى باسۋ ارقىلى ۇشىپ-قونۋعا مۇمكىندىك بەرەدى. جەرۇستى كولىگىنىڭ ۇزىندىعى شامامەن 5,5 مەتر بولادى.