ايماقتا ۇكىمەت باسشىسى ولجاس بەكتەنوۆتىڭ قاتىسۋىمەن استانادا جىل سايىن وتەتىن KGIR-2025 – جاھاندىق ينۆەستيتسيالار بويىنشا دوڭگەلەك ۇستەل ءوتتى, دەپ جازادى Egemen.kz.
فورۋمنىڭ تاقىرىبى – «ترانسفورماتسيا داۋىرىندەگى جاڭا شەشىمدەر: قازاقستان – ورنىقتى ەكونوميكالىق دامۋدىڭ ورتالىعى». فورۋمعا الەمنىڭ 55 مەملەكەتىنەن 1 000-نان اسا وكىلى قاتىستى. باس قوسۋ ينۆەستيتسيا تارتۋ سالاسىنداعى نەگىزگى باعىتتاردى – ينفراقۇرىلىم, ونەركاسىپ, ەنەرگەتيكا, جوعارى تەحنولوگيالار جانە جاسىل ەكونوميكا سالالارىن تالقىلاۋعا ارنالعان الاڭعا اينالدى.
اتالعان ءىس-شارا اياسىندا ۇلىتاۋ وبلىسىنىڭ اكىمى داستان رىسپەكوۆ وبلىس ەكونوميكاسىنا ينۆەستيتسيا سالۋعا دايىن ينۆەستورلارمەن بىرقاتار كەزدەسۋ وتكىزدى. كەزدەسۋ بارىسىندا وبلىس اكىمى قاتىسۋشىلارعا ءوڭىردىڭ ينۆەستيتسيالىق احۋالى تۋرالى اقپاراتتى تانىستىردى.
KGIR-2025 الاڭىندا وبلىس اكىمدىگى Harvest Agro Holding (شۆەيتساريا), Chengdu Sepmem Energy (قحر), BKN Techbuild (قحر) جانە Sairen Group (قحر) كومپانيالارىمەن جالپى سوماسى 150 ملن دوللاردان اساتىن ىنتىماقتاستىق تۋرالى مەموراندۋمدار جاساستى. مەموراندۋم اۋىل شارۋاشىلىعىن, قۇرىلىس پەن ەنەرگەتيكانى دامىتۋعا باعىتتالعان.
اتالعان ينۆەستيتسيالىق جوبالاردى ىسكە اسىرۋ جاڭا پەرسپەكتيۆالى سالالاردى ىسكە قوسۋعا جانە سول ارقىلى ءوڭىر ەكونوميكاسىن ءارتاراپتاندىرۋدى قامتاماسىز ەتۋگە مۇمكىندىك بەرەدى.