توتەنشە جاعدايلار مينيسترلىگىنە قاراستى «ننتسسني» سەيسميكالىق ستانتسيالار جەلىسىنىڭ دەرەكتەرىنە سايكەس, 3 قاراشادا تۇنگى ساعات 01:29-دا جەر سىلكىنىسى تىركەلدى. ەپيتسەنتر الماتى قالاسىنان وڭتۇستىك-باتىسقا قاراي شامامەن 1079 شاقىرىم قاشىقتىقتا, اۋعانستان اۋماعىندا ورنالاسقان, دەپ جازادى Egemen.kz.
سەيسميكالىق ءدۇمپۋدىڭ كوورديناتتارى – 36.843º سولتۇستىك ەندىك پەن 67.364º شىعىس بويلىق. تەرەڭدىگى 120 شاقىرىمدى قۇراعان جەر سىلكىنىسىنىڭ ماگنيتۋداسى MPV 6.2, ەنەرگەتيكالىق كلاسى 14.2 بولعان.
ەسەپتىك دەرەكتەرگە سۇيەنسەك, جەر سىلكىنىسىنىڭ كۇشى ەلىمىزدىڭ بىرقاتار وڭتۇستىك ايماقتارىندا 2 بالل شاماسىندا سەزىلگەن. اتاپ ايتقاندا, شىمكەنت قالاسىندا, تۇركىستان وبلىسىنىڭ ماقتاارال اۋدانىنداعى مىرزاكەنت ەلدى مەكەنىندە, جەتىساي جانە شاردارا قالالارىندا جەڭىل دۇمپۋلەر بايقالعان.
قازىرگى ۋاقىتتا زارداپ شەككەندەر مەن قيراۋلار تۋرالى اقپارات تۇسكەن جوق. ماماندار جاعدايدى باقىلاۋدا ۇستاپ وتىر.