باتالوۆ قىزمەتىنەن كەتتى مە؟

كەيبىر دەرەككوزدەردە ر. باتالوۆتىڭ تورالقا توراعاسى قىزمەتىنەن بوساتىلاتىنى جونىندە مالىمەت تاراعان ەدى. بۇل – جالعان اقپارات.

- «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭىنىڭ 21-بابى 2-تارماعىنىڭ 1) تارماقشاسىنا جانە «اتامەكەن» ۇكپ جارعىسىنىڭ 16.4-تارماعىنىڭ 1) تارماقشاسىنا سايكەس, تورالقا توراعاسى تەك ۇكپ سەزىنىڭ شەشىمىمەن عانا سايلانادى جانە قىزمەتىنەن بوساتىلادى, - دەلىنگەن حابارلامادا.

پالاتا بۇل ماسەلەگە قاتىستى وزگە دە جاريالانىمداردىڭ شىندىققا جاناسپايتىنىن جانە قۇقىقتىق نەگىزى جوق ەكەنىن اتاپ ءوتتى.

«تەكسەرىلمەگەن جانە جالعان اقپاراتتى تاراتپاۋعا شاقىرامىز», – دەپ جازدى ۇلتتىق كاسىپكەرلەر پالاتاسىنان.