قاسىم-جومارت توقاەۆ ماسكەۋ مەملەكەتتىك حالىقارالىق قاتىناستار ينستيتۋتىنىڭ رەكتورى اناتولي توركۋنوۆپەن كەزدەسۋ وتكىزدى, دەپ جازادى Egemen.kz.
مەملەكەت باسشىسى ممحقي-ءدىڭ حالىقارالىق قاتىناستار سالاسىنىڭ بىلىكتى ماماندارىن دايارلاۋداعى بەدەلىن جوعارى باعالايتىنىن جەتكىزدى.
قاسىم-جومارت توقاەۆ ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ بازاسىندا ممحقي فيليالىنىڭ اشىلۋىن قۇپتادى. قازىر مۇندا 100 ستۋدەنت ءبىلىم الىپ جاتىر.
كەزدەسۋ سوڭىندا مەملەكەت باسشىسى قازاقستان مەن رەسەي اكادەميالىق قاۋىمداستىقتارىنىڭ ناتيجەلى ىقپالداستىققا ۇمتىلىسى ەكى ەل اراسىنداعى قارىم-قاتىناستى ودان ءارى نىعايتۋعا ىقپال ەتەتىنىنە سەنىم ءبىلدىردى.