وقۋ-اعارتۋ مينيسترلىگى «ورلەۋ» بىلىكتىلىكتى ارتتىرۋ ۇلتتىق ورتالىعى پەداگوگتەردىڭ تۇراقتى كاسىبي دامۋىنا, مەنتالدىق ساۋلىعىنا قامقورلىق جاساۋعا باعىتتالعان ماڭىزدى باستامانى ىسكە قوستى, دەپ جازادى Egemen.kz.
تۇركىستان جانە اقتوبە وبلىستارىنىڭ ورتالىق فيليالدارىندا العاش رەت پەداگوگتەرگە ارنالعان پسيحولوگيالىق قولداۋ كابينەتى اشىلدى.
پيلوتتىق جوبا مۇعالىمدەردىڭ مەنتالدىق دەنساۋلىعىن قولداۋعا, كاسىبي كۇيزەلىستىڭ الدىن الۋعا جانە سترەسستى باسقارۋعا ارنالعان كەڭەس بەرەدى.
كابينەتتە كاسىبي پسيحولوگ جەكە جانە توپتىق كەڭەس وتكىزەدى, رەلاكساتسيا مەن ارت-تەراپيا ساباقتارىن ۇيىمداستىرادى, ءتۇرلى ترەنينگتەر مەن پسيحولوگيالىق دياگنوستيكا جۇرگىزەدى. بۇل قىزمەتتەردى پەداگوگتەر «ورلەۋ» ورتالىعىندا بىلىكتىلىكتى ارتتىرۋ كۋرستارىنان ءوتۋ كەزىندە پايدالانا الادى. جۇمىس بارىسىندا ەتيكالىق نورمالار, ەرىكتىلىك جانە قۇپيالىلىق قاعيداتتارى قاتاڭ ساقتالادى.
مينيسترلىك مۇنداي كابينەتتەردى الداعى ۋاقىتتا ەلىمىزدىڭ باسقا وڭىرلەرىندە دە اشۋ جوسپارلانىپ وتىرعانىن مالىمدەدى.