23 قازاندا رەسپۋبليكا كۇنى قارساڭىندا ماڭعىستاۋ وبلىسىندا كاسپي تەڭىزىنىڭ جاعالاۋىندا ورنالاسقان جاڭا «Aqqu Resort & Camp» دەمالىس جانە قوناق ءۇي كەشەنى اشىلدى, دەپ جازادى Egemen.kz.
«Aqqu Resort & Camp» – ءوڭىردىڭ تۋريستىك ينفراقۇرىلىمىن دامىتۋداعى ماڭىزدى باستاما. كەشەن كوپفۋنكتسيونالدى فورماتتا جۇمىس ىستەيدى: جاز مەزگىلىندە 300-350 بالاعا ارنالعان «Aqqu Camp» بالالار لاگەرى رەتىندە, ال قالعان ۋاقىتتا كۋرورتتىق جانە كورپوراتيۆتىك دەمالىس ورتالىعى رەتىندە قىزمەت كورسەتەدى. جوبا ينۆەستوردىڭ جەكە قاراجاتى ەسەبىنەن سالىنىپ جاتىر.
كەشەن اۋماعىندا زاماناۋي تۇرعىن كورپۋستار, ەرەسەكتەر مەن بالالارعا ارنالعان ەكى اشىق باسسەين, 50 ورىندىق كينوزال, فۋتبول الاڭى مەن سپورتتىق ايماقتار, مەديتسينالىق پۋنكت جانە ءوز مەيرامحاناسى ورنالاسقان.
نىسان ماۋسىم كەزىندە 100-دەن استام ادامدى جۇمىسپەن قامتيدى.
ماڭعىستاۋ وبلىسى