قازاقستاندىق تەننيسشى الەكساندر بۋبليك 2025 جىلعى ماۋسىمدا ءوزىنىڭ كاسىبي مانسابىنداعى ەڭ جوعارى ناتيجەگە قول جەتكىزدى. الەمنىڭ 16-راكەتكاسى پاريجدە ءوتىپ جاتقان «ماستەرس» سەرياسىنداعى العاشقى اينالىمدا اۋستراليالىق الەكسەي ءپوپىريندى 6:4, 6:3 ەسەبىمەن ۇتىپ, ATP تۋرنيرلەرىندەگى بيىلعى ماۋسىمداعى 34-ءشى جەڭىسىنە قول جەتكىزدى, دەپ حابارلايدى Egemen.kz.
بۇل كورسەتكىش بۋبليكتىڭ جەكە رەكوردىن جاڭارتتى. بۇعان دەيىن ول 2021 جىلى ءبىر ماۋسىمدا 33 جەڭىسكە جەتىپ, ەڭ ۇزدىك ناتيجەسىن تىركەگەن بولاتىن.
كەلەسى كەزەڭدە قازاقستاندىق سپورتشى ەكىنشى اينالىمدا فرانتسيالىق كورەنتين مۋتە مەن امەريكالىق رايللي وپەلكا اراسىنداعى كەزدەسۋدىڭ جەڭىمپازىمەن كورتقا شىعادى.
ايتا كەتسەك, پاريجدەگى بەدەلدى «ماستەرس» ءتۋرنيرىنىڭ قازىرگى جەڭىمپازى — گەرمانيالىق الەكساندر زۆەرەۆ. وتكەن جىلى ول فينالدا فرانتسيالىق ۋگو ۋمبەردى تىزە بۇكتىرگەن ەدى.