جەتىسۋ وبلىسىنىڭ قاراتال اۋدانىندا قوعامدىق قاۋىپسىزدىكتى قامتاماسىز ەتەتىن كىشى جەدەل باسقارۋ ورتالىعى (جبو) اشىلدى. نىساننىڭ قۇرىلىسىنا 320 ملن تەڭگە وبلىستىق بيۋدجەتتەن بولىنگەن, دەپ جازادى Egemen.kz.
ورتالىق ىسكە قوسىلۋىمەن اۋداننىڭ ماڭىزدى اۋماقتارىنا ورناتىلعان 77 بەينەكامەرا مەن 5 جىلدامدىق ولشەۋ قۇرىلعىسى جۇمىس ىستەي باستادى. بۇل جۇيە پوليتسياعا تاۋلىك بويى كوشەلەردى باقىلاپ, قۇقىق بۇزۋشىلىقتارعا جەدەل ارەكەت ەتۋگە مۇمكىندىك بەرەدى.
جاڭا جبو «اقىلدى پوليتسيا» تۇجىرىمداماسىن ىسكە اسىرۋداعى ماڭىزدى قادام سانالادى. ءىس-شاراعا قاتىسقان اۋدان اكىمدىگى مەن پوليتسيا وكىلدەرى ورتالىقتىڭ اشىلۋى قاراتال اۋدانىنداعى قاۋىپسىزدىك دەڭگەيىن ارتتىرىپ, تۇرعىنداردىڭ تىنىشتىعىن قامتاماسىز ەتۋگە ىقپال ەتەتىنىن اتاپ ءوتتى.