الەمنىڭ ەڭ بيىك عيماراتى – بۋردج-حاليفا بيىگىنەن قازاقستاننىڭ كوك تۋى جەلبىرەدى. كوك بايراعىمىز بەينەلەنگەن ساتتە مەملەكەتتىك ءانۇرانىمىز دا شىرقالدى, دەپ حابارلايدى Egemen.kz.
بۇل ەرەكشە كورىنىس بىرىككەن اراب امىرلىكتەرىندە قازاقستان رەسپۋبليكاسىنىڭ كۇنىنە ارنالعان قۇرمەت رەتىندە ۇيىمداستىرىلدى. دۋبايداعى قازاقستان ەلشىلىگى اتالمىش ءساتتىڭ بەينەجازباسىن وزدەرىنىڭ Instagram پاراقشاسىندا ءبولىستى.
- بىرىككەن اراب امىرلىكتەرى قازاقستان حالقىن رەسپۋبليكا كۇنىمەن قۇتتىقتادى, – دەپ جازىلعان ەلشىلىك جاريالانىمىندا.