1991 جىلى سەمەي پوليگونىنىڭ جابىلۋى – ادامزات تاريحىنداعى ەڭ ۇلكەن گۋمانيستىك شەشىمدەردىڭ ءبىرى.
ونداعان جىل سىناق الاڭى بولىپ كەلگەن قازاق دالاسى ەگەمەندىك الا سالا يادرولىق ارسەنالدان ءوز ەركىمەن باس تارتىپ, الەمگە بەيبىتشىلىك پەن پاراساتتىڭ ۇلگىسىن كورسەتتى. 1 100-دەن استام يادرولىق وقتۇمسىق جويىلدى. بۇل – ناعىز ەرلىك. سول شەشىم ارقىلى ەلىمىز يادرولىق قارۋدى تاراتپاۋ يدەياسىن حالىقارالىق دەڭگەيدە ناسيحاتتاپ, «يادرولىق قارۋسىز الەم» باستاماسىنىڭ كوشباسشىسىنا اينالدى. بۇۇ 2009 جىلى 29 تامىزدى – يادرولىق سىناقتار-عا قارسى ءىس-قيمىلدىڭ حالىقارالىق كۇنى دەپ بەكىتتى. بۇل كۇن – ءدال سەمەي پوليگونىنىڭ جابىلعان كۇنىمەن تۇسپا-تۇس كەلەدى.