ورال قالاسىندا قازاق كۇرەسىنەن «قازاقستان بارىسى» رەسپۋبليكالىق تۋرنيرىنە باراتىن باتىسقازاقستاندىق پالۋانداردى ىرىكتەۋ كەزەڭى ءوتتى, دەپ جازادى Egemen.kz.
بوز كىلەمدە باتىس قازاقستان وبلىسىنىڭ 11 اۋدانى مەن ورال قالاسىنان 25 بالۋان قاتىسىپ ايقاسقا ءتۇستى. رەسپۋبليكالىق دوداعا جولداما الۋ ءۇشىن بەلدەسكەن اتان جىلىك جىگىتتەر ءوزارا مىقتىنى انىقتادى.
سونىمەن, قازتالوۆ اۋدانىنىڭ اتىنان قاتىسقان بەكايدار مەڭدەشەۆ قارسىلاستارىن تۇگەل جەڭىپ, ءبىرىنشى ورىنعا يە بولدى. تاسقالالىق ەلنار جانبولات ۇلى – ەكىنشى, شىڭعىرلاۋ اۋدانىنىڭ پالۋانى قۇسايىن ەربولاتوۆ – ءۇشىنشى ورىنعا تۇراقتادى.
ەندى رەسپۋبليكالىق «قازاقستان بارىسى» سايىسىندا بقو-نىڭ نامىسىن بەكايدار مەڭدەشەۆ قورعايتىن بولادى.
باتىس قازاقستان وبلىسى