تالاس اۋدانىنىڭ پروكۋراتۋراسى مىندەتتى الەۋمەتتىك مەديتسينالىق ساقتاندىرۋ سالاسىنداعى زاڭدىلىقتىڭ جاي-كۇيىنە تالداۋ جۇرگىزىپ, ناتيجەسىندە بىرقاتار ءبىلىم بەرۋ ۇيىمدارىندا بالالارعا پروفيلاكتيكالىق مەديتسينالىق تەكسەرۋلەردى ۇيىمداستىرۋ جۇمىستارى ءتيىستى دەڭگەيدە اتقارىلماعانىن انىقتادى, دەپ حابارلايدى Egemen.kz جامبىل وبلىستىق پروكۋراتۋراسىنىڭ ءباسپاسوز قىزمەتىنە سىلتەمە جاساپ.
ناقتىراق ايتساق, وسى جىلى ءاۋداننىڭ 10 بىلىم بەرۋ ۇيىمىندا 730 كامەلەتكە تولماعان بالا ارنايى مەديتسينالىق تەكسەرۋدەن وتپەگەن, وسىلايشا ولاردىڭ كەپىلدەندىرىلگەن مەديتسينالىق كومەككە قۇقىعى شەكتەلگەن.
پروكۋراتۋرانىڭ قاداعالاۋ اكتىسى نەگىزىندە مەملەكەتكە اۋدان مەكتەپتەرىندەگى وقۋشىلاردىڭ مەديتسينالىق تەكسەرۋلەرىنە بولىنگەن 20 ملن تەڭگە قايتارىلدى.