22 قازاندا قازاقستان رەسپۋبليكاسى مەن رەسەي فەدەراتسياسى اراسىنداعى ديپلوماتيالىق قاتىناستاردىڭ ورناعانىنا 33 جىل تولدى, دەپ حابارلايدى Egemen.kz سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
قازاقستان مەن رەسەيدىڭ قارىم-قاتىناسى ساياسي مادەنيەتتىڭ جوعارى دەڭگەيىمەن ەرەكشەلەنىپ, ستراتەگيالىق سەرىكتەستىك پەن وداقتاستىق رۋحىندا دامۋدا.
تابىستى ءوزارا ءىس-قيمىل - ەكى ەل كوشباسشىلارى اراسىنداعى دوستىق قارىم-قاتىناستىڭ ناتيجەسى. بۇعان دالەل - رەسەي پرەزيدەنتى ۆلاديمير ءپۋتيننىڭ قازاقستانعا وتكەن جىلعى مەملەكەتتىك ساپارى جانە قازاقستان پرەزيدەنتى قاسىم-جومارت توقاەۆتىڭ رەسەيگە 12 قاراشادا جوسپارلانعان مەملەكەتتىك ساپارى.
ءبىزدىڭ ورتاق كوپعاسىرلىق تاريحىمىز, گەوگرافيالىق, رۋحاني جاقىندىعىمىز جانە ءوزارا سەنىمىمىز ەلدەرىمىز اراسىنداعى دوستىق قارىم-قاتىناستى ودان ءارى دامىتۋدىڭ بىرەگەي ارتىقشىلىعى مەن كەپىلى.