اتىراۋدا سوڭعى 3-4 كۇننەن بەرى اپتاپ ىستىقتىڭ بەتى قايتار ەمەس. سينوپتيكتەر الدىڭعى كۇنى اپتاپ ىستىقتىڭ +43 گرادۋسقا كوتەرىلگەنىن راستادى. «قازگيدرومەت» رمك اتىراۋ فيليالىنىڭ مەتەوبولجام ءبولىمىنىڭ باسشىسى گۇلاينا مىرزاشەۆانىڭ جەرگىلىكتى باسىلىمدارعا حابارلاعانىنداي, كەشە ماحامبەت اۋدانىندا اۋانىڭ تەمپەراتۋراسى +43 گرادۋستى كورسەتىپتى. ونىڭ ايتۋىنشا, اتىراۋدا الداعى كۇندەرى اپتاپ ىستىق +40-41 گرادۋس بولاتىندىعى كۇتىلۋدە.
مۇنداي اپتاپ ىستىق ءالى دە ءبىر اپتاداي ساقتالماق ەكەن. سينوپتيكتەر ايدىڭ سوڭعى كۇندەرى, ياعني 29-30 ماۋسىمدا تەمپەراتۋرا +42 گرادۋستان دا جوعارىلايتىندىعىنا نازار اۋدارىپ وتىر.
جولداسبەك شوپەعۇل,
«ەگەمەن قازاقستان».
اتىراۋ.