پرەزيدەنت قاسىم-جومارت توقاەۆتىڭ «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى جولداۋىندا بەرىلگەن تاپسىرمالار اياسىندا ەلىمىزدىڭ دەنساۋلىق ساقتاۋ جۇيەسى كەشەندى جاڭعىرتۋدان ءوتىپ جاتىر, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
بۇل باعىتتاعى جۇمىستار مەديتسينالىق قىزمەت ساپاسىن ارتتىرۋعا, ينفراقۇرىلىمدى كۇشەيتۋگە, مامانداردىڭ الەۋەتىن كوتەرۋگە جانە تسيفرلىق تەحنولوگيالاردى كەڭىنەن ەنگىزۋگە باعىتتالعان.
جۇرگىزىلىپ جاتقان شارالار ناقتى ناتيجەسىن بەرىپ وتىر. اتاپ ايتساق, بيىلعى جىلدىڭ 1 قازانىنا دەيىن حالىق دەنساۋلىعىنىڭ نەگىزگى كورسەتكىشتەرى ايتارلىقتاي جاقسارعان. جالپى ءولىم-ءجىتىم دەڭگەيى 2,7%-عا تومەندەسە, ءسابي ءولىمى وتكەن جىلدىڭ وسى كەزەڭىمەن سالىستىرعاندا 20,2%-عا ازايعان.