كەشە «پەكين پالاس» قوناق ۇيىندە «پرەزيدەنت سايلاۋى-2015: ەل دامۋىنداعى جاڭا كەزەڭ» تاقىرىبىندا ساياساتتانۋشىلاردىڭ ءىى استانا فورۋمى ءوتتى.
ءىس-شارانى «قازاقستان ساياساتتانۋشىلارىنىڭ كونگرەسى» رەسپۋبليكالىق قوعامدىق بىرلەستىگى ۇيىمداستىردى.
ءىس-شاراعا قازاقستان بويىنشا 120-دان استام دەلەگات قاتىستى. فورۋمعا قاتىسۋشىلار الدىندا پرەزيدەنت اكىمشىلىگى باسشىسىنىڭ ورىنباسارى باعلان مايلىباەۆ كىرىسپە ءسوز سويلەدى.
ول ەل دامۋىنىڭ قازىرگى ساتىسىندا سىندارلى ساياسي ستراتەگيانىڭ, ءتيىمدى ەكونوميكالىق باعىتتىڭ قاي كەزدەگىدەن دە بەتەر قاجەت ەكەنىن اتاپ كورسەتتى. ەلباسى ۇسىنعان بەس ينستيتۋتتىق رەفورما قۋاتتى مەملەكەت تۇجىرىمداماسىمەن ناقتى ۇيلەسەدى, «قازاقستان-2050» ستراتەگياسىنىڭ ورگانيكالىق بولىگى بولىپ تابىلادى. ن.نازارباەۆ رەفورمالارىنىڭ جۇزەگە اسۋى قازاقستاننىڭ جان-جاقتى دامۋىنا, مەملەكەتتىلىكتى نىعايتۋعا, ءاربىر قازاقستاندىقتىڭ الەۋمەتتىك ءال-اۋقاتىن ارتتىرۋعا باعىتتالعان, دەپ اتاپ ءوتتى ب.مايلىباەۆ.
قازاقستان حالقى اسسامبلەياسى توراعاسىنىڭ ورىنباسارى اناتولي باشماكوۆ, سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ توراعاسى نۇرلان ەرىمبەتوۆ, پارلامەنت ءماجىلىسىنىڭ دەپۋتاتتارى قۋانىش سۇلتانوۆ, سەرىك سەيدۋمانوۆ جانە تۇرسىنبەك ومىرزاقوۆ, عالىمدار, ساراپشىلار, ساياساتتانۋشىلار سپيكەرلەر مەن مودەراتورلار رەتىندە ءسوز سويلەدى.
فورۋمدا پرەزيدەنتتىك سايلاۋدىڭ دەموكراتيالىق قۇقىقتىق مەملەكەتتىڭ اجىراماس فاكتورى رەتىندەگى ماڭىزى, قازاقستاندىق قوعامدى توپتاستىرۋداعى ونىڭ ءرولى, سونداي-اق, 2015 جىلعى سايلاۋ ناۋقانىنىڭ ەرەكشەلىكتەرى تالقىلاندى. ساراپشىلىق قاۋىمداستىق 2015 جىلعى پرەزيدەنتتىك سايلاۋعا «قازاقستان-2050» ستراتەگياسى مەن «نۇرلى جول» جاڭا ەكونوميكالىق ساياساتىن جۇزەگە اسىرۋداعى جاڭا سەرپىن رەتىندە باعا بەردى.
ءلايلا ەدىلقىزى,
«ەگەمەن قازاقستان».