اقمولا وبلىسىندا ىزدەۋدە جۇرگەن, سونىڭ ىشىندە اۋىر قىلمىس جاساعان ازاماتتار انىقتالدى, دەپ حابارلايدى Egemen.kz.
15–16 قازان ارالىعىندا اقمولا وبلىسىنىڭ اۋماعىندا "ىزدەستىرۋ" جەدەل-پروفيلاكتيكالىق ءىس-شاراسى وتكىزىلدى. ونىڭ ماقساتى – حالىقارالىق جانە مەملەكەتارالىق ىزدەۋدە جۇرگەن ادامداردىڭ ورنالاسقان جەرىن انىقتاۋ, سونداي-اق حابار-وشارسىز كەتكەن ازاماتتاردى تابۋ بولدى.
- ءىس-شارا بارىسىندا اقمولا وبلىسىنىڭ پوليتسەيلەرى بارلىعى 18 ادامدى انىقتادى. ولاردىڭ ۇشەۋى حابار-وشارسىز كەتكەندەر قاتارىنان بولسا, قالعاندارى – ءتۇرلى قىلمىستىق ىستەردىڭ قاتىسۋشىلارى. انىقتالعانداردىڭ اراسىندا كىسى ءولتىرۋ, قاراقشىلىق, ەسىرتكىنىڭ زاڭسىز اينالىمى جانە ۇرلىق سياقتى اۋىر قىلمىستارعا كۇدىكتىلەر بار, – دەلىنگەن حابارلامادا.
كەيبىر ازاماتتاردى كورشى مەملەكەتتەردىڭ قۇقىق قورعاۋ ورگاندارى ىزدەگەن جانە ولاردىڭ دەرەكتەرى ينتەرپولدىڭ حالىقارالىق بازاسىندا تىركەلگەن.