Lenovo ديرەكتورىن ولتىرۋگە تاپسىرىس بەرگەن كۇدىكتى دۋبايدا ۇستالدى, دەپ جازادى Egemen.kz.
ەر ادام حالىقارالىق ىزدەۋدە بولعان. ول «Lenovo قازاقستان» كومپانياسىنىڭ كورپوراتيۆتىك ساتۋ جونىندەگى ديرەكتورىن قاستاندىقپەن ءولتىرۋدى ۇيىمداستىردى دەگەن كۇدىككە ىلىنگەن.
ءىىم حابارلاۋىنشا, قىلمىسقا تەحنيكا جەتكىزۋگە بايلانىستى الىنعان قارىزدىق مىندەتتەمەلەردى ورىنداماۋ سەبەپ بولعان.
«بىلتىر كۇزدە الماتى وبلىسى اۋماعىندا كۇدىكتىنىڭ تاپسىرىسى بويىنشا ەكى قاسكوي اتالعان كىسىنى ولتىرگەن. ايتا كەتەيىك, بۇعان دەيىن قىلمىستى جۇزەگە اسىرۋشىلار دا قاماۋعا الىنعان», دەپ حابارلادى ىشكى ىستەر مينيسترلىگى.