ەس – وتكەن مەن بولاشاق اراسىنداعى كوپىر. ادام بالاسى ءومىر بويى سانسىز اقپارات جينايدى, بىراق ونىڭ ءبارى ەستە قالا بەرمەيدى.
كەيبىر ادامداردا ەس ەرەكشە دامىعان. مىسالى, امەريكالىق دجيلل پرايس 14 جاسىنان بەرگى ءار كۇنىن قاي كۇنى نە ىستەگەنىن, كىممەن كەزدەسكەنىن ەگجەي-تەگجەيلى ايتىپ بەرە الادى. بۇل قۇبىلىس عىلىمدا گيپەرتيمەزيا (HSAM) دەپ اتالادى. دەگەنمەن مۇنداي ادامداردىڭ دا كۇندەلىكتى ىستەردەگى جادى باسقالارمەن بىردەي ولاردىڭ ەرەكشە قابىلەتى كوبىنە ءوز ومىرىنە قاتىستى ەستەلىكتەرمەن شەكتەلەدى.
ال ۇمىتۋ ميدىڭ السىزدىگى ەمەس, كەرىسىنشە, تابيعي قورعانىس مەحانيزمى. ەببينگاۋز ۇسىنعان «ۇمىتۋ قيسىعى» بويىنشا, ۋاقىت وتكەن سايىن اقپاراتتىڭ ءبىر بولىگى ەستە ساقتالماي قالادى. دەگەنمەن ءۇش فاكتور ەستى نىعايتادى: ەموتسيامەن بايلانىس, ماعىنا بەرۋ جانە قايتالاۋ.
دايىنداعان – رامازان ورىنباسار,
ل.ن.گۋميلەۆ اتىنداعى ەۇۋ ستۋدەنتى