قوعامنىڭ جەدەل دامۋى حالىقتىڭ الەۋمەتتىك-تۇرمىستىق جاعدايىنا وڭ اسەر ەتەتىنىن كۇندەلىكتى ومىردەن كوز جەتكىزىپ كەلەمىز. ءبارىن ايتپاعاننىڭ وزىندە بۇگىندە جاس شاماسىنا قاراماستان ۇيالى تەلەفوندى پايدالانبايتىن جان كەمدە-كەم. بىراق, ونىڭ اياعى كوبىنە قارجىعا تىرەلەدى. سوندىقتان دا ءار ۇيدە تەلەفوننىڭ بولعانىنا نە جەتسىن. سوڭعى جىلدارى تۇتىنۋشىلاردىڭ بۇل سۇرانىسى بارىنشا قاناعاتتاندىرىلىپ, “30 كورپوراتيۆتىك كوشباسشى” جوباسىمەن بايلانىس جۇيەسىن دامىتۋعا ەرەكشە نازار اۋدارىلىپ, الىس ەلدى مەكەندەرگە سىمسىز تەلەفون ورناتۋ جۇيەسى بەرىك ەندى. جۇزەگە اسىرىلعان جۇمىس بارىسىندا وڭىردەگى تەلەفون بايلانىسىنا قوسىلعان ابونەنت سانى 50 مىڭعا جەتكەن. وسىلايشا جۇيەنى جاقسارتۋعا ارنالعان باعدارلاما كوپشىلىكتىڭ سۇرانىسىن قاناعاتتاندىردى دەۋگە بولادى.
جاقىندا قاراساي اۋدانى قىرعاۋىلدى اۋىلىنا وسىنداي سىمسىز تەلەفون جۇيەسى ورناتىلدى. جاڭا انتەننا ارقىلى 25-30 شاقىرىم قاشىقتىقتاعى تۇتىنۋشىلاردى تەلەفون بايلانىسىمەن قامتۋعا بولادى. بۇل اۋدانداعى بوي كوتەرگەن جەتىنشى بازالىق بايلانىس ستانساسى. بۇعان دەيىن قاسكەلەڭ, اقجار, شامالعان, تاعى باسقا ەلدى مەكەندەر وسىنداي قىزمەتپەن قامتاماسىز ەتىلگەن. وسى كۇنى قىرعاۋىلدى اۋىلىنداعى جاڭا ستانساعا مىڭعا جۋىق ابونەنت جالعانىپ, جاڭا جۇيە ارقىلى اۋدانداعى 6875 تۇرعىن الىس-جاقىنمەن حابارلاسا باستادى.
“قازاقتەلەكوم” اكتسيونەرلىك قوعامى تەحنيكالىق دامىتۋ ءجونىندەگى ديرەكتورى جەكسەنباي جامانبالانوۆ ستانسانىڭ اشىلۋ سالتاناتىندا سىمسىز تەلەفوننىڭ جۇمىسى جايلى جانە ونى ورناتۋ ارقىلى ۋاقىتتى ۇنەمدەۋگە قاتىستى ماسەلەلەردى ورتاعا سالدى. سونداي-اق, قوندىرعىنى پايدالانۋ ارقىلى ءار ابونەنت قارجى دا ۇنەمدەيدى. ءارى ءوتىنىش بەرىلگەن كۇننىڭ ەرتەڭىنە سۇرانىس قاناعاتتاندىرىلادى. اتالعان جوبانىڭ سەرپىندىلىگى مەن تيىمدىلىگى وسىنىسىمەن قۇندى. ءارى جۇمىس كۇشى ۇنەمدەلەدى.
بۇعان دەيىن تەلەفون جۇيەسى جەكە باعاندارعا سىم تارتۋ ارقىلى جۇزەگە اسىرىلىپ كەلگەن. ال بۇل اتالعان جۇيەنىڭ قولايسىز جاقتارىن كورسەتكەن. ماسەلەن, قاتتى جەل سوقسا, سىم ءۇزىلىپ, تۇتىنۋشىعا دا, مەكەمەگە دە قيىندىق اكەلەتىن. ەندى بۇل ماسەلەلەر شەشىمىن تاپقان. وسىلايشا 2007 جىلدان بەرى ءوڭىرگە سىمسىز تەلەفون جۇيەسى ەنگىزىلىپ, 39 بازالىق ستانسا ىسكە قوسىلىپتى. بۇگىندە وسى تاسىلمەن 16 اۋدان تۇرعىندارى تەلەفون بايلانىسىمەن قامتىلعان. تەك وتكەن جىلى عانا قوسىمشا 11 بازالىق ستانسا ورناتىلىپ, الاكول, جامبىل, قاراساي, ىلە, پانفيلوۆ, تالعار اۋداندارىنىڭ جۇرتشىلىعى تۇرمىستارىنا ونى بەرىك پايدالانا باستادى.
تالدىقورعاندىقتار دا جاڭا جۇيەنى پايدالانىپ كەلەدى. حالىققا ساپالى قىزمەت كورسەتۋدى ماقسات ەتكەن “قازاقتەلەكوم” اكتسيونەرلىك قوعامىنىڭ ۇجىمى جۇمىستارىن جاڭا جۇيەمەن بايلانىستىرىپ, تۇتىنۋشى تالعامىنان شىعۋدا.
كۇمىسجان بايجان.
الماتى وبلىسى.