بيىل 9 ايدا الماتى قالاسى پوليتسياسىنىڭ بولىمشەلەرى 500-دەن استام ەسىرتكى قىلمىسىن انىقتادى, دەپ جازادى Egemen.kz.
– زاڭسىز اينالىمنان 525 كەلىدەن استام ەسىرتكى زاتى, ونىڭ ىشىندە 52 كەلى سينتەتيكالىق جانە 3 توننادان استام پرەكۋرسور تاركىلەندى. سونداي-اق قىلمىستىق جولمەن الىنعان 255 ميلليون تەڭگەدەن استام اقشا مەن م ۇلىك مەملەكەت كىرىسىنە وتكىزىلدى, – دەدى الماتى قالاسى پوليتسيا دەپارتامەنتى باستىعىنىڭ ءبىرىنشى ورىنباسارى قۋاتبەك ناۋاتوۆ.
سونىمەن قاتار ەكى ەسىرتكى زەرتحاناسىنىڭ قىزمەتى توقتاتىلىپ, ەسىرتكىنى وتكىزۋ جانە تاراتۋعا قاتىسى بار 3 قىلمىستىق توپتىڭ ارەكەتى اشكەرەلەندى.
پوليتسيا قىزمەتكەرلەرى قازىرگى زامانعى تسيفرلىق تەحنولوگيالاردى بەلسەندى قولدانۋدا. ۇلتتىق بانك جانە مادەنيەت جانە اقپارات مينيسترلىگىمەن بىرلەسكەن جۇمىس ناتيجەسىندە بيىل زاڭسىز ەسىرتكى اينالىمىنا قاتىسى بار 1,5 مىڭ وتاندىق جانە 5 مىڭنان استام شەتەلدىك بانك كارتاسى, سونداي-اق 312 كريپتواميان انىقتالىپ, بۇعاتتالدى.
68 ميلليون تەڭگە سوماسىنداعى كۇدىكتى بانك وپەراتسيالارىنىڭ قىزمەتى توقتاتىلدى. ەسىرتكى تاراتۋعا پايدالانىلعان 2200 ينتەرنەت-رەسۋرس بۇعاتتالدى. ولاردىڭ 27-ءسى – تelegram-ارنا.
ءبىلىم بەرۋ ۇيىمدارى, جاستار بىرلەستىكتەرى جانە جەرگىلىكتى اتقارۋشى ورگاندارمەن بىرلەسىپ, 700-دەن استام كەزدەسۋ, ناۋقان جانە ءتۇسىندىرۋ ءىس-شارالارى وتكىزىلدى.
قالا كوشەلەرىندە ەسىرتكى جارناماسى بار گراففيتيلەر كۇن سايىن بويالىپ, الەۋمەتتىك بەينەروليكتەر كورسەتىلىپ, جەدەل جەلى مەن ءانونيمدى چاتتار تۇراقتى تۇردە جۇمىس ىستەيدى.
– ەسىرتكىگە قارسى كۇرەس – تەك پوليتسيانىڭ قولىندا ەمەس. بۇل – بۇكىل قوعامنىڭ ورتاق جاۋاپكەرشىلىگى. اتا-انالاردان باستاپ, پەداگوگتار, باق وكىلدەرى مەن بيزنەس قاۋىمداستىعىنا دەيىن. تەك بىرلەسىپ, بەلسەندى ازاماتتىق ۇستانىممەن ءبىز ەسىرتكى قاۋىپىنە قارسى ءتيىمدى توسقاۋىل قويا الامىز. پوليتسيا وسى باعىتتاعى جۇيەلى جۇمىسىن جالعاستىرا بەرەدى, باستى باسىمدىق – جازالاۋ ەمەس, الدىن الۋ مەن ءتۇسىندىرۋ جۇمىستارى, – دەدى قۋاتبەك ناۋاتوۆ.