پرەمەر-مينيستر ولجاس بەكتەنوۆ قازاقستاننىڭ توراعالىعىمەن ءوتىپ جاتقان حالىقارالىق ارالدى قۇتقارۋ قورى (حاقق) باسقارماسىنىڭ ەكىنشى وتىرىسىنا قاتىسۋشى ەلدەر دەلەگاتسيالارىنىڭ باسشىلارىمەن كەزدەسۋ وتكىزدى.
قازاقستان حالىقارالىق ارالدى قۇتقارۋ قورىنىڭ قىزمەتىنە باسا ءمان بەرەدى جانە اتالعان ۇيىمدى وڭىردەگى ەكولوگيالىق سيپاتتاعى ماسەلەلەردى شەشۋدىڭ, ترانسشەكارالىق سۋ پايدالانۋدىڭ ۇتىمدى ءارى ءوزارا ءتيىمدى قۇرالدارىنىڭ ءبىرى رەتىندە قاراستىرادى.
كەزدەسۋدە ارال تەڭىزىندەگى سۋ دەڭگەيىن ارتتىرۋ جونىندەگى بىرلەسكەن شارالار, سونىڭ ىشىندە قازاقستان پرەزيدەنتى قاسىم-جومارت توقاەۆتىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى حالىققا جولداۋىندا ايتقان باستامالارى شەڭبەرىندە تالقىلاندى.
ولجاس بەكتەنوۆ ءوز سوزىندە حاقق-قا قاتىسۋشى مەملەكەتتەردىڭ باسشىلارى ەنەرگەتيكالىق جانە ازىق-ت ۇلىك قاۋىپسىزدىگىن قامتاماسىز ەتۋدە ستراتەگيالىق ماڭىزى بار سۋ-ەنەرگەتيكالىق رەسۋرستارىن پايدالانۋدىڭ ۇتىمدى تاسىلىنە باسىمدىق بەرەتىنىن اتاپ ءوتتى.
وسى جىلدىڭ ۆەگەتاتسيالىق كەزەڭى وتە قيىن ءوتتى. كۇردەلى جاعدايلارعا قاراماستان, ۇكىمەتتەردىڭ سىندارلى ءوزارا ءىس-قيمىلى ارال تەڭىزى باسسەينىندە تۇراقتى سۋ رەجىمىن قامتاماسىز ەتۋگە مۇمكىندىك بەردى. پرەمەر-مينيستر قىرعىزستان, تاجىكستان جانە وزبەكستان ۇكىمەتتەرىنىڭ باسشىلارىنا العىسىن ءبىلدىرىپ, ۇيلەستىرىلگەن جەدەل ءىس-قيمىلدار ارقىلى عانا ەلەۋلى شىعىنداردىڭ الدىن الۋعا بولاتىنىن ايتتى.
ء«ار ەلدىڭ ءوز ۇلتتىق مۇددەسى بار, ءبىز ونى قاشان دا قورعاۋعا مىندەتتىمىز. بىراق ءبىزدىڭ ورتاق ستراتەگيالىق, ۇزاقمەرزىمدى باسىم ماقساتىمىز تاتۋ كورشىلىك قارىم-قاتىناس ەكەنى ءسوزسىز. كۇندەلىكتى, قىسقامەرزىمدى مىندەتتەردى شەشۋدە ءبىز ۇزاقمەرزىمدى باسىمدىقتارعا نۇقسان كەلتىرمەۋىمىز كەرەك. ماسەلەلەردى ارقاشان ءوزارا ءتيىمدى ءارى قولايلى نەگىزدە شەشۋ ءۇشىن بىرلەسكەن شارالار قابىلدايتىنىمىزعا سەنىمدىمىن», دەدى و.بەكتەنوۆ.
قازاقستاننىڭ توراعالىعى اياسىندا جۇرگىزىلەتىن جۇمىستىڭ باسىم باعىتتارىنىڭ ءبىرى – تسيفرلىق ترانسفورماتسيا جانە سۋ سالاسىندا جاساندى ينتەللەكتىنى قولدانۋ. جي ەنگىزۋ سۋدى پايدالانۋدىڭ اشىقتىعىن قامتاماسىز ەتەدى جانە سۋ شىعىنىن ازايتۋعا مۇمكىندىك بەرەدى. ارال تەڭىزى باسسەينىندە سۋ رەسۋرستارىن ەسەپكە الۋدىڭ, مونيتورينگ جۇرگىزۋدىڭ, باسقارۋدىڭ جانە ءبولۋدىڭ بىرىڭعاي اۆتوماتتاندىرىلعان جۇيەسىن ەنگىزۋ بويىنشا بىرلەسكەن جۇمىستىڭ ماڭىزدىلىعى دا اتاپ ءوتىلدى.
كەزدەسۋ بارىسىندا, سونداي-اق تاجىكستان پرەمەر-ءمينيسترىنىڭ ورىنباسارى زيوزودا سۋلايمون, وزبەكستان پرەزيدەنتىنىڭ كەڭەسشىسى شۋحرات گانيەۆ, تۇرىكمەنستان اۋىل شارۋاشىلىعى ءمينيسترى چارىيار چەتيەۆ ءسوز سويلەدى.
تالقىلاۋدى قورىتىندىلاي كەلە, ولجاس بەكتەنوۆ قازاقستاننىڭ اشىقتىق, ىنتىماقتاستىق جانە سىندارلى ديالوگ قاعيداتتارىنا بەيىل ەكەنىن ناقتىلادى.