اۋىلدار اۋىزسۋمەن قامتىلادى

ەرتىس-بايان جەرىنىڭ اۋىلدا­­­­رىن­دا اۋىزسۋ ءتاريفى – اركەل­كى. سوڭ­­­­عى جاسالعان تالداۋ قورى­­تىن­دى­سى بويىنشا ۋسپەن اۋدا­­نىن­دا ­اۋىز­سۋدىڭ ەڭ ارزان ءتاري­فى تىر­كەل­گەن, تەكشە مەترى – 51,78 تەڭگە. ­ەڭ قىمباتى اقسۋ قالاسىنىڭ اۋىل­دىق ايماعىندا, تەكشە مەترىنە بەكىتىلگەن تاريف – 343,6 تەڭگە.

– وبلىستا اۋىزسۋدىڭ ورتاشا ءتاريفى 185,5 تەڭگەنى قۇ­رايدى. 92 اۋىلدا كەشەندى بلوك-مودۋلدەر ورناتىلعان, 4 ەلدى مەكەندە توپتىق سۋ قۇبىرى باعانالارى بار. قالعان 24 اۋىل ۇڭعىمالارداعى سۋدى پايدالانىپ وتىر, – دەپ مالىمدەدى پاۆ­لودار وبلىسى ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنان.

بىلتىر 37 مىڭنان استام حالقى بار 44 اۋىلعا جاڭا سۋ قۇبىرلارى تارتىلعان. وسى­لايشا, وبلىستاعى اۋىل تۇرعىن­دارىنىڭ 98%-ىنا تازا اۋىزسۋ جەتكىزىلگەن. بيىل اۋىلدىق جەر­لەردە 32 ينۆەستيتسيالىق جوبا جۇزەگە اسىرىلىپ جاتىر. با­سىم باعىتتار – جولداردى, سۋمەن جابدىقتاۋ نىساندارىن سالۋ. جىل سوڭىنا دەيىن 6 سۋ قۇبىرىنىڭ قۇرىلىسى اياقتا­لىپ, وبلىستاعى اۋىل حالقىن 100% تازا اۋىزسۋمەن قامتۋ جوسپارلانعان.

وبلىستىق سانيتارلىق-ەپي­دەميولوگيالىق باقىلاۋ دە­پار­تامەنتىنىڭ مالىمەتىنشە, بىل­تىر ورتالىقتاندىرىلعان, وق­شاۋلانعان اۋىزسۋ كوزدەرى­نەن 1559 سىناما الىنىپ, ­ونىڭ 62-سىندە ميكروبيولوگيا­لىق, سانيتارلىق-حيميالىق كور­سەت­كىشتەر نورماعا ساي بولماي شىققان. دەپارتامەنت ماماندارى اۋدان-قالالاردىڭ اكىمدەرىنە, اۋىزسۋمەن قامتۋ مەكەمەلەرىنە سۋ قۇبىرلا­رىن ۇنەمى شايىپ, سۇزگىلەردى اۋىستىرىپ وتىرۋ كەرەكتىگىن ەسكەرتەدى.

پاۆلودار وبلىسى