14-21 قازان كۇندەرى سەمەيدە بوكستان ەرلەر جانە ايەلدەر اراسىندا ەل چەمپيوناتى وتەدى, دەپ جازادى Egemen.kz.
قازاقستان چەمپيونى اتانۋ ءۇشىن ەلىمىزدىڭ 20 وڭىرىنەن 371 بوكسشى باق سىنايدى. ونىڭ ىشىندە 246 ەر, 125 ايەل بىلعارى قولعاپ شەبەرى بار.
ەل بىرىنشىلىگى World Boxing ۇيىمىنىڭ سالماق دارەجەلەرى بويىنشا ۇيىمداستىرىلادى.
«وسى چەمپيوناتتا 2026 جىلعا قۇراما بەكىتىپ الۋىمىز كەرەك. سەبەبى كەلەر جىلى 4 جىلدا ءبىر كەلەتىن ازيا چەمپيوناتى وتەدى. ماڭىزدى جارىسقا جاقسى قۇراما جاساقتاۋدى ماقسات ەتىپ وتىرمىز. قازاقستان چەمپيوناتىنا الەم بىرىنشىلىگىنەن جۇلدەلى بولعان كەي سپورتشىلار قاتىسپايدى», دەدى قازاقستان بوكس فەدەراتسياسىنىڭ باس حاتشىسى مەرەي اقشالوۆ.
ال جاستار, جاسوسپىرىمدەر اراسىنداعى بىرىنشىلىكتەر قازان, قاراشا, جەلتوقسان ايلارىندا وتەدى.
بوكس باسەكەسى سەمەيدەگى اباي ارەنادا وتەدى. ارەنا ءبىر مەزەتتە 5000 كورەرمەندى قابىلداي الادى.