جەر قويناۋىن پايدالانۋ سالاسىنداعى پروكۋراتۋرا جەر قويناۋىن رۇقسات قۇجاتتارىنسىز پايدالانىپ كەلگەن كاسىپورىنداردى انىقتادى, دەپ جازادى Egemen.kz.
ماسەلەن, باياناۋىل اۋدانىندا «IBM Gold» جشس وسى جىلدىڭ باسىنان بەرى ەكولوگيالىق رۇقساتسىز التىن مەن كۇمىس وندىرۋمەن اينالىسقان. پروكۋراتۋرا بۇدان بولەك 11 كاسىپورىننىڭ وسىنداي زاڭسىزدىققا بارعانىن انىقتادى.
ونىڭ ىشىندە 8 جاعداي بويىنشا پايدالى قازبالاردى ءوندىرۋ جۇمىستارى كەلىسىمشارتتىق اۋماقتاردان تىس جەرلەردە جۇرگىزىلگەن. سونىمەن قاتار, كەلىسىمشارتتاردىڭ مەرزىمىن زاڭسىز ۇزارتۋ فاكتىلەرى دە بەلگىلى بولعان.
تەكسەرۋ ناتيجەسىندە القا وتىرىسى ءوتىپ, بۇزۋشىلىقتاردى انىقتاۋ مەن جولىن كەسۋ ساپاسىن ارتتىرۋعا باعىتتالعان مەملەكەتتىك جانە قۇقىق قورعاۋ ورگاندارىنىڭ ءوزارا ءىس-قيمىلىنىڭ الگوريتمى ازىرلەنگەن.