سىيلاستىق ۇندەستىگى

بولگارياداعى سوفيا ۋنيۆەرسيتەتىندە قازاق ءتىلى جانە قازاقستان تاريحى مەن مادەنيەتىن زەردەلەۋ ورتالىعى اشىلدى. ناۋرىز مەرەكەسىنىڭ قارسا­ڭىندا سوفيا ۋنيۆەرسيتەتىنىڭ شىعىس تىلدەرى مەن مادەنيەتى ورتالىعىندا قازاق ءتىلى جانە قازاقستان تاريحى مەن مادەنيەتىن زەردەلەۋ ورتالىعىنىڭ سالتاناتتى اشىلۋى ءوتتى. ءىس-شارا شەڭبەرىندە, قا­زاق­ستاننىڭ بولگارياداعى ديپلوماتيالىق ميسسياسىنىڭ باسشىسى تەمىرتاي ءىزباستين جانە سوفيا ۋنيۆەرسيتەتىنىڭ رەكتورى ي.يلچەۆ قازاقستاننىڭ بولگارياداعى ديپلوماتيالىق ميسسياسى جانە سوفيا ۋنيۆەر­سيتەتى اراسىنداعى ءوزارا تۇسىنىستىك تۋرالى مەموراندۋمعا قول قويدى. مەموراندۋم قازاق جانە بولگار تاراپتارىنا مادەنيەت, عىلىم جانە ءبىلىم بەرۋ سالاسىنداعى ىنتىماقتاستىقتى ودان ءارى دامىتۋعا مۇمكىندىك بەرەدى. «قازاق ءتىلى» ءپانىن وقۋ ەۋرو­پادا العاش رەت بولگار ءتۇر­كى­تانۋ­شىسى ەميل بوەۆ سوفيا ۋني­ۆەرسيتەتىنىڭ اكادەميالىق باعدار­لاماسىنا ەنگىزگەن. بۇگىن قازاقستاننىڭ بولگارياداعى ديپ­لوماتيالىق ميسسياسى مەن قۇرمەتتى كونسۋلدىگىنىڭ كۇش-جىگەرلەرىنىڭ ارقاسىندا, سوفيا ۋنيۆەرسيتەتىنىڭ قول­داۋىمەن, قا­زاق ءتىلى ورتالىعى جوندەلىپ, قازاق ءتىلىن ۇيرەنەتىن ستۋدەنتتەر ءۇشىن زاماناۋي جابدىقپەن ءجا­نە وقۋ قۇرالدارىمەن قامسىز­دان­دىرىلدى. ءىس-شارا قوناقتارى ىشىندە قازاقستان ازاماتتارى جانە دياس­پورا وكىلدەرى, شەت مەملەكەتتەر ديپلوماتيالىق وكىلدىك­تەرىنىڭ باسشىلارى, دەپۋتاتتار, بولگاريانىڭ ءباسپاسوز, اكادە­ميالىق جانە قوعامدىق ورتا­لارىنىڭ وكىلدەرى بولدى. «ەگەمەن-اقپارات».