رۋدنىي پروكۋراتۋراسىنىڭ ۇيلەستىرۋىمەن تەمىرتاۋ قالاسىنىڭ 16 جاستاعى تۇرعىنى قولعا ءتۇستى. جەكە تەكسەرۋ كەزىندە ونىڭ قالتاسىنان «مەفەدرون» سالىنعان تۇيىنشەكتەر تابىلدى, دەپ حابارلايدى Egemen.kz پروكۋراتۋرانىڭ اقپاراتىنا سىلتەمە جاساي وتىرىپ.
ونىڭ ءۇيىن ءتىنتۋ كەزىندە ساتۋعا دايىنداپ قويعان 200-دەن استام ورام انىقتالعان كورىنەدى.
«سوت-حيميالىق ساراپتاما تاركىلەنگەن زاتتىڭ پسيحوتروپتىق ەكەندىگىن راستادى. قازىر بۇل دەرەك بويىنشا قر قىلمىستىق كودەكسىنىڭ 297-بابى 3-بولىگىمەن سوتقا دەيىنگى تەرگەۋ باستالىپ, كۇدىكتى قاماۋعا الىندى», - دەپ حابارلايدى پروكۋراتۋرا.
بۇدان وزگە, پروكۋراتۋرانىڭ مالىمەتىنە سۇيەنسەك, تامىز ايىندا رۋدنىي قالاسىندا تۇرعىنداردىڭ شاعىمى بويىنشا عيمارات قابىرعالارىنا ەسىرتكى ناسيحاتىن بىلدىرەتىن گراففيتي سالعان 14 جانە 16 جاستاعى ەكى ءجاسوسپىرىم ۇستالعان ەدى. بۇل فاكتى بويىنشا قىلمىستىق ءىس قوزعالدى.