پاۆلودار. 8 مامىر. قازاقستاننىڭ حالىق ءارتىسى, رەجيسسەر-پروديۋسەر دوسحان جولجاقسىنوۆتىڭ «قۇنانباي» كوركەم فيلمىندە پاۆلودارلىق سۋرەتشى عالىم قارجاس ءبيدىڭ ءرولىن سومدايتىن بولدى. بۇل تۋرالى egemen.kz ءتىلشىسى حابارلادى.
ءبارى كۇتپەگەن جەردەن بولعان. ءارتىس دوسى سەكەربەك جابىقباي كاستينگكە بارار كەزدە سۋرەتشىنىڭ دە فوتوسۋرەتىن الا كەتىپتى. ەندى سۋرەتشى قۇنانباي كوركەم فيلمىندە اس كەزىندەگى جيىنداردىڭ بىرىندە ءبيدىڭ ءرولىن سومدايدى. كينو اباي اۋدانى قاراۋىل اۋىلىنىڭ ماڭىندا ءتۇسىرىلىپ جاتقاندىقتان جەرگىلىكتى تۇرعىندار دا قاتىستى. ءتۇسىرىلىم وتكەن جىلى شىلدە ايىنىڭ 15-دە باستالدى.
«قۇنانباي» ءفيلمىنىڭ ستسەناريىن دوسقان جولجاقسىنوۆ پەن كينودراماتۋرگ مارقۇم تالاسبەك اسەمقۇلوۆ جازعان. 25-ءشى مامىردان كەيىن ەلىمىزدىڭ بارلىق كينوتەاترلارىندا كورسەتىلەدى. تۇساۋكەسەر قويىلىم قاراۋىل مەن استانادا ۇسىنىلادى.
فاريدا بىقاي.
دەرەك, سۋرەت: egemen.kz