قاسىم-جومارت توقاەۆ مين اۋن حلاينعا ءىلتيپات ءبىلدىرىپ, ونىڭ استاناعا جۇمىس ساپارى ميانمانىڭ قازاقستانمەن ىنتىماقتاستىق ورناتۋىنا مۇمكىندىك بەرەتىنىن اتاپ ءوتتى, دەپ جازادى Egemen.kz.
ميانما وزىندىك مادەنيەتى, بىرەگەي ءداستۇرى بار جانە گەوستراتەگيالىق تۇرعىدان ماڭىزدى ەل. قوس مەملەكەت جاھاندىق كولىك باعىتتارىنىڭ توعىسقان تۇسىندا ورنالاسقان.
پرەزيدەنت مەيمانعا قازاقستاننىڭ نەگىزگى الەۋمەتتىك-ەكونوميكالىق كورسەتكىشتەرى, سونداي-اق ەلىمىزدىڭ ورنىقتى دامۋىن قامتاماسىز ەتۋ اياسىنداعى ستراتەگيالىق مىندەتتەرى تۋرالى مالىمەت بەردى.
تاراپتار ەكى ەل ەكونوميكاسىنىڭ ەرەكشەلىكتەرىن ەسكەرە وتىرىپ, اۋىل شارۋاشىلىعى, كولىك-لوگيستيكا, قارجى, ءىت جانە تسيفرلاندىرۋ سەكىلدى ماڭىزدى سالالاردا ءوزارا ىقپالداستىق پەرسپەكتيۆاسىنا توقتالدى.
پرەزيدەنتتىڭ ايتۋىنشا, قازاقستان ەۋرازيانىڭ باستى ترانزيت تورابى رەتىندە ء«بىر بەلدەۋ, ءبىر جول» مەگاجوباسىن, سولتۇستىك – وڭتۇستىك جانە ورتا ءدالىز كولىك باعىتتارىن دامىتۋعا بەلسەندى تۇردە اتسالىسۋدا.
وسىعان وراي كەزدەسۋدە ەكى ەل اراسىنداعى كولىك بايلانىسىن جولعا قويۋدىڭ وزەكتىلىگىنە نازار اۋدارىلدى. بۇل ساۋدا-ەكونوميكالىق بايلانىستاردى كەڭەيتۋگە سەپتىگىن تيگىزەدى.
قاسىم-جومارت توقاەۆ مين اۋن حلايندى قازاقستاننىڭ ۇلتارالىق جانە كونفەسسياارالىق ساياساتىمەن تانىستىردى.
اتاپ ايتقاندا, ەلىمىزدە جۇزەگە اسىرىلىپ جاتقان «بىرلىگىمىز – ارالۋاندىقتا» قاعيداتى, تولەرانتتىلىق ۇستانىمى, سونداي-اق استانادا الەمدىك جانە ءداستۇرلى دىندەر كوشباسشىلارىنىڭ سەزىن وتكىزۋ باستاماسى جونىندە باياندادى.
مين اۋن حلاين قاسىم-جومارت توقاەۆقا قوناقجايلىق تانىتقانى ءۇشىن العىس ايتىپ, ءوزارا مۇددەگە ساي باعىتتار بويىنشا كونسترۋكتيۆتى ىنتىماقتاستىق ورناتۋعا جانە بىرلەسە جۇمىس ىستەۋگە دايىن ەكەنىن راستادى.