ەل ىشىندەگى كۇردەلى ماسەلەلەر بىرتىندەپ شەشىلىپ, حالىقتىڭ الەۋمەتتىك-تۇرمىستىق جاعدايىنىڭ جاقسارۋىنا ىقپال ەتۋدە, دەپ جازادى Egemen.kz.
تسەلينوگراد اۋدانىنا قاراستى قوياندى اۋىلىندا تۇرعىنداردى مەملەكەتتىك ەلەكتر جەلىلەرىنە قوسۋ جۇمىستارى باستالدى. بۇل جوبانى تسەلينوگراد اۋدانى اكىمدىگى مەن «اەۇك» اكتسيونەرلىك قوعامى بىرلەسىپ اتقارۋدا. ۇستىمىزدەگى جىلدىڭ 24 قىركۇيەگىندە العاشقى قادام جاسالعان بولاتىن.
ۇزاق ۋاقىت بويى اۋىل تۇرعىندارى جەكە ترانسفورماتورلىق قوسالقى ستانتسيالاردىڭ قىزمەتىن پايدالانۋعا ءماجبۇر بولىپ كەلگەن ەدى. بۇل جاي بىرقاتار قولايسىزدىقتار تۋعىزعان. بۇگىندە ايتا قالارلىقتاي جاڭا كەزەڭ باستالۋدا. مەملەكەت بارلىق ابونەنتتەردى سەنىمدى ءارى قاۋىپسىز ەلەكتر ەنەرگياسىمەن قامتاماسىز ەتۋ ءوز موينىنا الىپ وتىر. تسەلينوگراد اۋدانى اكىمدىگىندە اتاپ وتكەنىندەي, قوياندى اۋىلىندا «اۋىل – ەل بەسىگى» ۇلتتىق جوباسى اياسىندا ەلەكتر جەلىلەرىنىڭ قۇرىلىسىنىڭ ەكىنشى كەزەڭى اياقتالۋدا. جوبا اياسىندا 2 تاراتۋ جانە 16 ترانسفورماتورلىق قوسالقى ستانتسيا, شامامەن 9000 باعانا ورناتۋ قاراستىرىلعان. جەلىلەردىڭ جالپى ۇزىندىعى 178 شاقىرىم.
قالعان ابونەنتتەردى جەلىگە قوسۋ جۇمىستارى كەزەڭ-كەزەڭىمەن جۇرگىزىلەدى.
تسەلينوگراد اۋدانى,
اقمولا وبلىسى.