«اقتاۋ اگرو» سەرىكتەستىگىندە اسىلتۇقىمدى قۇس وسىرۋگە ارنالعان كەشەننىڭ قۇرىلىسى ءجۇرىپ جاتىر. جوباعا «اگرارلىق نەسيە كورپوراتسياسى» مەن قۇرىلتايشىلار قاراجاتى بولىنگەن. فابريكادا ينكۋباتور, قۇس ءوسىرۋ الاڭدارى, قۇس سويۋ تسەحى, قۇراماجەم زاۋىتى قاراستىرىلعان.
«اتا-انالىق ءۇيىردى ۇستاۋعا ارنالعان نىساننىڭ قۋاتتىلىعى – جىلىنا 7,5-8 ملن ينكۋباتسيالىق جۇمىرتقا. ونىڭ شامامەن جارتىسى كەشەننىڭ قاجەتتىلىكتەرىنە جۇمسالسا, قالعان بولىگى ەلدەگى باسقا قۇس فابريكالارىنا جەتكىزىلەدى. باستاما ەكونوميكالىق تۇرعىدان تيىمدىلىكتى ارتتىرۋمەن قاتار, الەۋمەتتىك ماڭىزعا دا يە. جوبا اياسىندا شامامەن 50 جاڭا جۇمىس ورنى اشىلادى. ەڭ باستىسى, ءوڭىردىڭ يمپورتقا تاۋەلدىلىگى ازايىپ, ازىق-ت ۇلىك قاۋىپسىزدىگى كۇشەيەدى» دەيدى ماڭعىستاۋ وبلىسى اۋىل شارۋاشىلىعى جانە جەر قاتىناستارى باسقارماسىنىڭ وكىلدەرى.
كاسىپورىن جىل سايىن 5 مىڭ توننادان استام برويلەر ەتىن وندىرمەك. سەرىكتەستىك 2021 جىلدان بەرى ءوڭىردىڭ ازىق-ت ۇلىك قاۋىپسىزدىگىن قامتاماسىز ەتۋگە ۇلەس قوسىپ وتىر.
ماڭعىستاۋ وبلىسى