بۇرىن قامىسقالا دەگەن اۋىل بولۋشى ەدى. قازىر ەكىنشى دۇنيەجۇزىلىك سوعىسقا قاتىسقان قازاق اقىنى حاميت ەرعاليەۆتىڭ ەسىمىمەن اتالادى. جاقىندا وسى اۋىلدا قالامگەردىڭ ەسكەرتكىشى اشىلدى.
ء«بىزدى تۋعان قاشاننان قامىسقالا, ءبىر كەڭشارعا بۇل كۇندە قونىس قانا, ەكى عاسىر ەرلىگى ەستەن شىعىپ, قويا قويماس ءبىر شەتتە قالىس قانا», دەپ اقىن اۋىلىن جىرعا قوسقان. ول قازاق حالقىنىڭ وتكەنىن, مايدانداعى جاۋىنگەرلەردىڭ ەرلىگى مەن تىلداعى اۋىر ەڭبەكتى شىعارماشىلىعىنا ارقاۋ ەتتى. سۇراپىل سوعىستا كاۆالەريا بولىمىندە ەسكادرون كومانديرى بولعان. بۋداپەشت تۇبىندەگى شايقاستا اۋىر جارالانعان. ەلگە 1945 جىلى قاڭتاردا ورالعان سوڭ «سوتسياليستىك قازاقستان» گازەتىنىڭ ادەبي قىزمەتكەرى بولا ءجۇرىپ, شىعارماشىلىققا تۇبەگەيلى بەت بۇردى.
حالىق جازۋشىسىنىڭ العاشقى كىتابى 1936 جىلى جارىق كورگەن. كەيىن «اكە سىرى», «ۇلكەن جولدىڭ ۇستىندە», ء«بىزدىڭ اۋىلدىڭ قىزى», «سەنىڭ وزەنىڭ», «ورالداعى وتتى كۇن», «اڭىز اتا», «قۇرمانعازى», «كۇي داستان», «جىلدار, جىلدار» دەگەن اتاۋمەن پوەما جازدى. سونداي-اق الەم ادەبيەتىنىڭ كورنەكتى وكىلدەرى د.بايرون, ۆ.شەكسپير مەن پ.نەرۋدانىڭ, ن.حيكمەت پەن ا.پۋشكيننىڭ, م.لەرمونتوۆ پەن ا.نەكراسوۆتىڭ, ۆ.ماياكوۆسكي مەن ر.عامزاتوۆتىڭ تاڭداۋلى شىعارمالارىن قازاق تىلىندە سويلەتتى.
اقىننىڭ تۋعان جەرىندەگى ەسكەرتكىشىنىڭ اشىلۋىنا تۋىستارى مەن نەمەرەسى ايدار مۇرات ۇلى كەلدى. ارنايى ۇيىمداستىرىلعان كورمەگە قالامگەر تۇتىنعان جازۋ ماشينكاسى, كوزىلدىرىگى مەن قالامسابى, فوتوسۋرەتتەرى قويىلدى.
اتىراۋ وبلىسى