الماتى وبلىسىنداعى تۇرمىستىق قاتتى قالدىقتار پوليگونىندا تۇتانعان ءورتتىڭ اۋماعى 15 گەكتارعا جەتتى. قىزىل جالىندى اۋىزدىقتاۋعا 300-گە جۋىق مامان مەن 140 تەحنيكا تارتىلدى. ورتكە قارسى كۇرەسكە توتەنشە جاعدايلار قىزمەتىنىڭ ماماندارىمەن بىرگە جەرگىلىكتى اتقارۋشى ورگاندار مەن كوممۋنالدىق مەكەمەلەردىڭ قىزمەتكەرلەرى دە جۇمىلدىرىلدى, دەپ جازادى Egemen.kz.
قازىرگى تاڭدا اشىق جالىن تولىعىمەن وشىرىلگەنىمەن, اۋماقتاعى تەمپەراتۋرا جوعارى كۇيىندە قالىپ وتىر. ماماندار قاۋىپتىڭ قايتا تۇتانۋىنا جول بەرمەۋ ءۇشىن پوليگونداعى ىستىق وشاقتاردى ينەرتتى ماتەريالدارمەن كومىپ, توپىراقتى نىعىزداۋ جۇمىستارىن جۇرگىزىپ جاتىر. بۇل ءادىس وتتەگىنىڭ كەلۋىن ازايتىپ, ءورتتىڭ قايتا تۇتانۋ قاۋپىن تومەندەتەدى.
توتەنشە جاعدايدىڭ جاريالانۋ ماسەلەسى «اشىق نقا» پورتالىندا ءوتىپ جاتقان داۋىس بەرۋ قورىتىندىسىنا سايكەس شەشىلەدى. اكىمدىك پەن توتەنشە جاعدايلار دەپارتامەنتى جاعداي تولىق باقىلاۋدا ەكەنىن, الايدا تۇرعىندار ساقتىق شارالارىن قاپەردە ۇستاۋى قاجەتتىگىن ەسكەرتتى.