قىتاي ەلىندە ءىستى بولىپ جاتقان وتانداسىمىز اقجارقىن تۇرلىبايدىڭ سوت وتىرىسى قاي كۇنى وتەتىنى بەلگىلى بولدى. اناسىنىڭ ايتۋىنشا, العاشقى وتىرىس ءساۋىر ايىنىڭ باسىنا جوسپارلانعان. بۇل تۋرالى 7NEWS حابارلادى.
قىتايدىڭ گۋانچجوۋ قالاسىندا وتەتىن سوت وتىرىسىنا قىزدىڭ اناسى مەن ادۆوتكاتى بارماق. «العاشقى سوت وتىرىسى 3 ساۋىردە بولادى. ول جاققا مەن جانە ادۆوكات سۇڭقار نۇرماعامبەتوۆ ەكەۋمىز بارامىز. ماعان سوتتىڭ اشىق تۇردە وتۋىنە بايلانىستى قىزىممەن كەزدەسۋگە مۇمكىندىك بارىن ايتتى», – دەيدى اقجارقىننىڭ اناسى زۋحرا سەيتىموۆا.
ەستەرىڭىزگە سالا كەتەيىك, قىتايدىڭ قۇقىق قورعاۋ ورگاندارى 20 جاستاعى قازاقستاندىقتان ەسىرتكى زاتتارىن ساتۋمەن اينالىستى دەپ كۇدىكتەنۋدە. قازاق قىزى وتكەن جىلدىڭ ناۋرىزىندا گۋنچجوۋ اۋەجايىنان مالايزياعا ۇشايىن دەپ تۇرعان جەرىندە ۇستالعان بولاتىن. ول وزىنە تاعىلعان ايىپتى مويىنداعان جوق. تۋعاندارىنىڭ ايتۋىنشا, اقجارقىنعا قۇربىلارى جۇمىس رەتىندە ساندىك كيىمدەردىڭ جەتكىزىپ بەرۋشىسى (كۋرەر) بولۋدى ۇسىنعان. وتانداسىمىزدىڭ گۋانچجوۋداعى تەرگەۋ يزولياتورىندا وتىرعانىنا ءبىر جىلدان استام ۋاقىت ءوتتى.
ءىستىڭ وتكەن جىلدىڭ كوكتەمىنەن باستاپ قولعا الىنۋىنا قازاقستاننىڭ قۇقىق قورعاۋ ورگاندارى دا مۇددەلى بولعانىن ايتا كەتەيىك. دەگەنمەن, وسى ءىس بويىنشا ەلىمىزدەن قىتايعا جىبەرىلگەن ارنايى ادامداردان تەرگەۋ امالدارىنىڭ قالاي اياقتالعانى تۋرالى مالىمەت تاراعان جوق.
ەلامان قوڭىر.
دەرەك: 7NEWS.
سۋرەت: 365info.kz.