الماتى. 23 ماۋسىم. الماتىدا «دينامو» دەنەشىنىقتىرۋ جانە سپورت قوعامىنىڭ 90 جىلدىق مەرەكەسىنە مەن اقپارات جانە بايلانىس قىزمەتكەرلەرىنىڭ كۇنىنە وراي باق وكىلدەرى اراسىندا شاعىن فۋتبولدان تۋرنير ءوتتى. بۇل تۋرالى egemen.kz ءتىلشىسى حابارلادى.
وعان 11 كوماندا قاتىستى. ءتۋرنيردىڭ اشىلۋ سالتاناتىندا «دينامو» دەنەشىنىقتىرۋ جانە سپورت قوعامى باسقارماسىنىڭ باستىعى الەكساندر كنيازەۆ, «دينامو» دەنە شىنىقتىرۋ جانە سپورت قوعامى توراعاسى ورىنباسارىنىڭ كەڭەسشىسى, پولكوۆنيك مارات قاشاەۆ پەن ارداگەر سپورت ءجۋرناليسى رابات جانىبەكوۆ «دينامولىقتاردى» مەرەيتويىمەن قۇتتىقتاپ, قاتىسۋشىلارعا ساتتىلىك تىلەدى.
«دينامو» دشسق ءباسپاسوز قىزمەتىنىڭ وكىلى اقىن ورداباي ۇلىنىڭ ايتۋىنشا, اپتاپ ىستىقتا كۇنى بويى تەر توككەن كوماندالار ءبىر-بىرلەرىمەن باق سىناسىپ, ءتۇس اۋا 11 كوماندانىڭ اراسىنان سۋىرىلىپ شىققان ءتورت كوماندا جارتىلاي فينالدىق ويىندارىن وتكىزدى. ولار «حابار», «الماتى», «ساردار» جانە «الامان» كوماندالارى ەدى.
فينالدا «ساردار» مەن «الامان» كوماندالارى كەزدەستى. تارتىستى وتكەن سوڭعى كەزدەسۋدە قارسىلاستارىن 2:0 ەسەبىمەن جەڭگەن «ساردار سايتى» كومانداسى ءتۋرنيردىڭ جەڭىمپازى اتاندى. ولار جارىستىڭ باس دەمەۋشىسى «Global» قۇرىلىس كومپانياسى ازىرلەگەن ءتۇرلى-ءتۇستى تەلەديدارىمەن ماراپاتتالدى. جۇلدەلى ءۇشىنشى ورىن «حابار» كومانداسىن 1:0 ەسەبىمەن جەڭگەن «الماتى» تەلارناسىنىڭ ۇجىمىنا بۇيىردى.
جارىس سوڭىندا «ۇزدىك ويىنشى», «ۇزدىك قاقپاشى», «كورەرمەننىڭ كوزايىمى» جانە بەلسەندى ويىنشىلارعا بەرىلگەن نوميناتسيالار بويىنشا باعالى سىيلىقتار تابىستالدى.
ءتۋرنيردىڭ «ۇزدىك ويىنشىسى» «الماتى» تەلەارناسىنىڭ شابۋىلشىسى تالعات قوجابەكوۆ لايىق دەپ تابىلسا, «ۇزدىك قاقپاشى» اتاعى «ساردار سايتى» كومانداسىن بەرىك قورعاعان داۋلەت كارىموۆكە بەرىلدى.
«دينامو» ارداگەرلەر كومانداسى دا تۋرنيرگە قاتىستى. ال, ارداگەرلەر اراسىندا جاستارىنا قاراماي تارتىستى دا ءتارتىپتى ويىن كورسەتكەن اتاقتى كوممەنتاتور دياس وماروۆ, بەلگىلى سپورت ءجۋرناليسى ءالىم اناپيانوۆ, سپورت شەبەرى ەرجان بايمولدا سىندا اق سامايلى اعالار دا باعالى سىلىقتارعا يە بولدى.
«دينامو» دەنەشىنىقتىرۋ جانە سپورت قوعامى توراعاسىنىڭ ءبىرىنشى ورىنباسارى, جارىس ۇيىمداستىرۋشىسى اسقار ومارقۇلوۆ ءتۋرنيردىڭ الداعى كەزدە دە وتەتىنىن ايتتى.
داستان كەنجالين.
دەرەك, سۋرەت: «دينامو» دشسق.