استانا. 23 ماۋسىم. مەملەكەتتىك قىزمەتشىلەر كۇنىنە وراي ايماق باسشىسى قىرىمبەك كوشەرباەۆ وبلىستاعى بىرقاتار مەملەكەتتىك قىزمەتكەرلەردى قۇتتىقتاپ, ۇزدىكتەردى ماراپاتتادى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى.
شارا بارىسىندا وبلىس اكىمى قىرىمبەك كوشەرباەۆ: «مەملەكەتتىك قىزمەتشىلەر حالىق پەن مەملەكەتتىك بيلىكتىڭ اراسىنداعى سەنىمدى قالىپتاستىرۋدا ۇلكەن رول اتقاراتىنى ءسوزسىز. سوندىقتان, ءبىز ءۇشىن مەملەكەتتىك قىزمەت – ۇلتقا قىزمەت ەتۋ ۇعىمىنىڭ ءسينونيمى بولۋعا ءتيىس. سول سەبەپتى دە سىزدەر ۋاقىتپەن ساناسپاي, ەل مۇددەسىن ءوز مۇددەلەرىڭىزدەن ءاردايىم بيىك ۇستاۋلارىڭىز كەرەك. مەملەكەتتىك قىزمەتشى ەل سەنىمىنەن شىعا بىلسە, ودان جوعارى مارتەبە جوق جانە ودان ارتىق باقىت جوق دەپ ەسەپتەيمىن», – دەدى.
سونداي-اق, جيىندا مەملەكەتتىك قىزمەتشىلەر سالتاناتتى تۇردە انت قابىلدادى. وبلىس اكىمى مەرەكە اياسىندا ءتورت مەملەكەتتىك قىزمەتشىگە «ۇزدىك مەملەكەتتىك قىزمەتشى» توسبەلگىن تابىستادى.
تالعات رايىمبەك.
دەرەك, سۋرەت: وبلىس اكىمدىگىنىڭ ءباسپاسوز قىزمەتى.