قىزىلوردادا بەينەباقىلاۋ كامەراسىن سىندىرعان سوتتالعانعا قوسىمشا جازا تاعايىندالدى. سوت قىزىلوردا وبلىسى بويىنشا قاج دەپارتامەنتىنىڭ №60 مەكەمەسىندە جازاسىن وتەپ جۇرگەن سوتتالعانعا قاتىستى وسىنداي ۇكىم شىعاردى, دەپ جازادى Egemen.kz.
بۇعان دەيىن ول قر قىلمىستىق كودەكسىنىڭ 192-بابى بويىنشا سوتتالعان ەكەن. ودان دا ساباق الماعان ول سەرۋەندەۋ الاڭىنداعى بەينەباقىلاۋ كامەراسىن سىندىرىپ, مەكەمە مۇلكىن بۇلدىرەدى. مەكەمە اكىمشىلىگى قىزىلوردا قالالىق سوتىنا كەلتىرىلگەن زالالدى وتەۋ تۋرالى ارىزبەن جۇگىنىپ, سوت بارىسىندا سوتتالعاننىڭ زاڭسىز ارەكەتى تولىق دالەلدەنىپ, ول كىناسىن مويىندايدى.
سوت ۇكىمىمەن ول قر قك-ءنىڭ 428-1-بابىنىڭ 1-بولىگى بويىنشا كىنالى دەپ تانىلىپ, ۇستىنەن قوسىمشا 1 جىل مەرزىمگە باس بوستاندىعىنان ايىرۋ جازاسى تاعايىندالدى. بۇدان بولەك, ب ۇلىنگەن بەينەباقىلاۋ كامەراسى ءۇشىن 45 000 تەڭگە تولەۋگە مىندەتتەلدى.