الماتى وبلىسىنىڭ ىلە اۋدانىندا مەتالل قابىلداۋ بەكەتتەرىنىڭ بىرىندە قايعىلى جاعداي ورىن الدى, دەپ حابارلايدى Egemen.kz.
وبلىستىق پوليتسيانىڭ ءباسپاسوز قىزمەتىنەن حابارلاعانداي, قازىر قىلمىستىق ءىس قوزعالدى. بەلگىسىز زاتتىڭ جارىلۋى سالدارىنان ءۇش ادام قازا تاپتى.
«وقيعا ورنىنا دەرەۋ توتەنشە جاعدايلار قىزمەتى: پوليتسيا, ءورت سوندىرۋشىلەر جانە جەدەل جاردەم قىزمەتى جەتتى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر», دەپ حابارلادى ۆەدومستۆودان.
وقيعانىڭ سەبەپتەرى مەن ءمان-جايى انىقتالىپ جاتىر. بارلىق تەرگەۋ ارەكەتتەرى زاڭعا سايكەس قاتاڭ تۇردە جۇرگىزىلەدى.