ءماجىلىس ەڭ تومەنگى جالاقىنى ايقىنداۋ تاسىلدەرىنە قاتىستى №131 حالىقارالىق ەڭبەك ۇيىمى كونۆەنتسياسىن بەكىتتى. بۇل قۇجاتتا دامۋشى ەلدەردىڭ جاعدايى ەرەكشە ەسكەرىلگەن, دەپ حابارلايدى Egemen.kz.
№131 كونۆەنتسيانى راتيفيكاتسيالاۋ قازاقستاننىڭ ەڭ تومەنگى جالاقىنى ايقىندايتىن قولدانىستاعى تاسىلدەرىن حالىقارالىق دەڭگەيدە بەكىتەدى. سونداي-اق قازاقستاننىڭ حالىقارالىق ەڭبەك ۇيىمىنا مۇشەلىگى اياسىندا حالىقارالىق مىندەتتەمەلەرگە ادالدىعىن راستاۋعا مۇمكىندىك بەرەدى.قۇجاتتا مىناداي جالپى پرينتسيپتەر ايقىندالادى:
ەڭ تومەنگى جالاقى جۇيەسىن ەنگىزۋ; الەۋمەتتىك ارىپتەستىك تاراپتارىنىڭ ەڭ تومەنگى جالاقىنى بەلگىلەۋگە جانە قايتا قاراۋعا قاتىسۋى; ەڭ تومەنگى جالاقىنى انىقتاۋ كەزىندە ەكونوميكالىق فاكتورلار مەن جۇمىسشىلاردىڭ قاجەتتىلىكتەرىن ەسەپكە الۋ; ەڭبەكاقى سالاسىنداعى كەمسىتۋشىلىككە تىيىم سالۋ.ەستەرىڭىزگە سالا كەتەيىك,
قازاقستان 1993 جىلدان بەرى حالىقارالىق ەڭبەك ۇيىمىنىڭ تولىققاندى مۇشەسى جانە وسى ۋاقىت ارالىعىندا ەڭبەك جاعدايلارى, ەڭبەكتى قورعاۋ, الەۋمەتتىك قورعاۋ مەن الەۋمەتتىك ديالوگقا قاتىستى 28 كونۆەنتسيانى راتيفيكاتسيالادى.
ال قازىرگى تاڭدا ەڭ تومەنگى جالاقىنى ايقىنداۋ جونىندەگى №131 كونۆەنتسيانى الەمنىڭ 54 ەلى ماقۇلداعان. ولاردىڭ ىشىندە تمد مەملەكەتتەرىنەن ارمەنيا مەن ازەربايجان بار.