«قازگيدرومەت» رمك 2025 جىلعى 9 قىركۇيەككە ارنالعان اۋا ساپاسى بويىنشا بولجامىن جاريالادى, دەپ حابارلايدى Egemen.kz.
حابارلاماعا سايكەس, سول كۇنى ورال, اتىراۋ قالالارىندا, سونداي-اق تۇندە استانا قالاسىندا قولايسىز مەتەورولوگيالىق جاعدايلار كۇتىلەدى.
قولايسىز مەتەورولوگيالىق جاعدايلار — اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى, جەڭىل جەل, تۇمان, ينۆەرسيا) جيىنتىعى.
«قازگيدرومەت» ماماندارىنىڭ ايتۋىنشا, مۇنداي جاعدايلاردا ەلدىمەكەندەردەگى اتموسفەرالىق اۋانىڭ ساپاسى ناشارلاۋى ىقتيمال. حالىققا, اسىرەسە تىنىس جولدارىنا سەزىمتال ادامدارعا, سىرتتا ۇزاق بولماۋعا كەڭەس بەرىلەدى.