استانا. 20 ناۋرىز. تانىمال ءارتىس, كاليفورنيا شتاتىنىڭ ەكس گۋبەرناتورى ارنولد شۆارتسەنەگگەرگە مەلبۋرنا قالاسىنىڭ (اۆستراليا) ءتارتىپ ساقشىلارى ۆەلوسيپەدتى قاۋىپسىزدىك باسكيىمىنسىز ايداعانى ءۇشىن ەسكەرتۋ جاسادى. بۇل تۋرالى the age حابارلايدى.
شايتان اربانى ارنايى باسكيىمسىز جۇرگىزۋ مەلبۋرن قالاسىندا ەرەجە بۇزعان بولىپ ەسەپتەلىنەدى. سونداي-اق, زاڭ اياسىندا 146 اۆستراليالىق دوللار مولشەرىندە ايىپ پۇل سالىنادى. الايدا, شۆارتسەنەگگەرگە پوليتسيا ينسپەكتورى جاقىن ماڭداعى دۇكەندەردىڭ بىرىنەن باسكيىم ساتىپ الۋدى ەسكەرتكەن.
ءتارتىپ ساقشىسى گيللسون: «مەنىڭ الدىمنان ۆەلوسيپەد تەۋىپ بارا جاتقاندار ءبىر توپ ءوتتى. ءوز جۇمىسىم بويىنشا ەرەجە بۇزعاندى توقتاتتىم. سويتسەم, باسكيىمى جوق جۇرگىزۋشىمىز ارنولد شۆارتسەنەگگەر ەكەن. مەن ەكس-گۋبەرناتورعا ءمان جايدى ءتۇسىندىردىم. ول ادامدارمەن تەز ءتىل تابىساتىن جان ەكەن. ماعان ايىپ پۇل سالماۋىمدى سۇرادى. ەسەسىنە مەن وعان جاقىن ماڭدا ورنالاسقان 7-Eleven دۇكەنىنەن بار جوعى 5 دوللارعا قاۋىپسىزدىك باس كەيىمىن ساتىپ الۋدى ەسكەرتتىم», – دەيدى.
ايتا كەتەيىك, شۆارتسەنەگگەردىڭ اكەسى پولەيتسەي بولعان ەكەن. سوندىقتان دا ول ءتارتىپ ساقشىلارىنا قۇرمەتپەن قارايتىن كورىنەدى.
ءبىر قىزىعى شۆارتسەنەگگەر 2013 جىلى دا وسى قالادا ۆەلوسيپەدتى باسكيىمسىز باسقارىپ ينسپەكتورلاردىڭ نازارىنا ىلىگىپتى. ول كەزدە دە ءارتىستىڭ تانىمالدىلىعى ايىپ پۇلدان قۇتقارىپ قالسا كەرەك.
تالعات رايىمبەك.
دەرەك; the age.
سۋرەت; unification.com.